من الأشهر اليوم؟

يبدو أن الشائعات التي طاولت النجمة مي عز الدين حول «الفوتوشوب» الذي خضعت له صورتها الأخيرة، وذلك بعدما لاحظ المتابعون نحافة خصرها، وشككوا في رشاقتها، استفزت عز الدين، وهو ما دفعها إلى الرد على كل تلك الشائعات، وذلك من خلال نشر مقطع فيديو لها وهي في غرفة نومها وأمام المرآة، معلقة: «الحمد لله وسطي مطلعش فوتوشوب، كنت قلقانة قوي يطلع فوتوشوب، مش عارفة كنت هعيش إزاي، أتجوز جرافيك ديزانر علشان يعملي فوتوشوب طول ماحنا ماشيين في الشارع علشان الناس متفقسنيش، ولا كنت هعمل إيه، يلا الحمد لله جت سليمة، مشوا الناس النفسية دي من هنا، فيه دخلاء وسطنا يا جماعة، ولا أقولكم أحنا نقفل عليهم الأكونت بالليل ونظبطهم».
وتابعت: «معلومة بس علشان الفقرة التانية اللي هيدخلوا فيها، من الآخر كده وخديها من واحدة خبيرة تجميل مهما عملتي تجميل ولا نحتي جسمك لو محافظتيش على أكلك وعشتي على دايت مظبوط وتعبتي إنك تحافظي عليه برضه مش هيبقى شكل جسمك كده، والله جبتي جيرانك وشارعك كله ينحت فيكي فبرضه ريحي نفسك، إنتي أقفلي بقك بس من الأكل والتعليق على الممثلات وخلق الله عموما، وكله هيبقى تمام بإذن الله ربنا هيكرمك آخر كرم».