من الأشهر اليوم؟

سخر الإعلامي جابر القرموطي، اليوم الخميس، من ربط وزير النقل، الدكتور هشام عرفات، سعر تذكرة مترو الأنفاق بثمن البيض، إذ أكل الإعلامي على الهواء بيضًا وجزءًا من تذكرة المترو.

وقال القرموطي، خلال برنامج «آخر النهار»، المذاع على قناة «النهار»: «بعد كدا الطفل بدل ما ياخد سندوتش البيض وهو رايح المدرسة يبقى ياخد السندوتش فيه تذكرة المترو ويكلهم، وده عشان يفهم قيمة البيضة ونص»، مستطردًا: «دا شغل بيض.. دا غُلب إيه اللي إحنا فيه ده».

وكان وزير النقل، قد قال في مداخلة هاتفية مع قناة  «أون لايف»، إن زيادة أسعار تذاكر المترو ليست مرتبطة بمستوى الخدمة، وإنما بزيادة عدد الخطوط والمحطات التي تدخل الخدمة، متابعًا: «سعر التذكرة دلوقتي بتجيب بيضة ونص في مصر، وسعر التذكرة في باريس بتجيب 7 بيضات».