من الأشهر اليوم؟

قال الفنان تامر حسني، مساء الأربعاء، إن تكريمه بالمسرح الصيني في هوليوود إنجاز لمصر والوطن العربي، معربًا عن فخره بذلك، مستكملًا: «يا رب دايمًا أبقى عند حسن ظن الجمهور، وأحاول أجيبلهم باستمرار جوائز وتكريمات بالمستوى ده».

أضاف حسني، خلال مداخلة ببرنامج «90 دقيقة»، عبر فضائية «المحور»، أن «مجلة عربية رشحت اسمه للتكريم ضمن نجوم العالم على المسرح الصيني بهوليود، والذي يُعد مزارًا سياحيًا عالميًا، حيث أنه يُصنف للأساطير فقط»، مشيرًا إلى أنه «مسرح أثري عريق وله مصدقية كبيرة للغاية».

تابع: «المسرح ده مهم جدًا، ومفيش أي مجاملة ومش بيتباع، ولو كان بيتباع كان زمان ناس قبل اشترت التكريم هناك، والفنان العالمي فان ديزل كُرم هناك قبلي، وأنا أول عربي يُكرم هناك»، مؤكدًا أن اختياره للتكريم بوضع بصمته الأسمنتية في المسرح الصيني تم بناءً على معايير وأسس وإنجازات حققها خلال مسيرته الفنية.

واصل: «أنا سعدت بالتكريم جدًا، لدرجة إني مكنتش مصدق، وأنا مسافر مكنتش أخد ناس كتير معايا عشان مش مستوعب إني هتكرم فعلًا»، موضحًا أنه كان في ذات المسرح العام الماضي وقال لزوجته الفنانة المعتزلة بسمة بوسيل: «تفتكري ممكن اسمي يبقى هنا؟»، وردت وقائلةً: « مفيش حاجة بعيدة على ربنا».

استطرد: «أنا بعذر كل حد مش مصدق، لأن ده تكريم مش بيحصل كل سنة، ده أول مرة يحصل في التاريخ، وللأسف في ناس مش قادرة تشوف إن تامر حسني بعد 15 سنة قدر يعمل كده، وفي حملة مناوئة ضدي، وكفاية إني خليت الأجانب تغني بالعربية، وأنا فرحت لأني بتعب، واللي مش مصدق دلوقتي هيصدق بعدين».