من الأشهر اليوم؟

يــا زهـــرة النـّـسْـريــن.. آخر الحلقات الشعرية بالفيديو في سلسلة بعنوان "أوتار" للشاعر القدير علي عبدالله خليفة من انتاج صحيفة البلاد.

وهذا نص القصيده: 

ـلى السّـبْعـيـن مُـوّالـك يـا قـلـبـي 
يـجـرّ الآه . . عـلى الـسّـبْـعـيـن ؟!
نـشَـفْ ريْـجـي وَنا ويـّاكْ
واحـس مُـوالـكْ  يـا قـلـبـي
يـجـر الآه عـلى الـسّـكّـيـنْ
الـشّـراب اللّي تـذوقه مـنْ العَـطَـشْ كـوثَــرْ
تحسّه الـرّوح يا قـلـبي
شـراب الـمُـرّ و الغـسْـلـيـن .
***
تمر لسنين بكْ عَـجْـلى
حوافـرها على أيّـامـك وَشـمْ يَـنْـزفْ
ويظهر يا قلبي اشْـكـثر أثــّـرتْ لسنين
وكمْ دوخة اعصفت بك
وكم طعنه اتّـفاداها 
وكم غرقه تــفـوتـك
وانت بَعَـد مع المُوال لما الحين.
***
طويلة سكّة العشّاق
وطويل الدّرب يا قلبي إذا تَـعْـرفْ 
ما بين الطّـيْب والطيبين
متى يكبر طفل في داخلك 
وانْـتحرى له .. متى يبلغ العشرين ؟

***
تظل حاير أمام الكون
مبهور ومنكشف تضحك
تعذبك أسئله كثيره
ويزيدك في القلق تفكير ثم تخمين
وعلى أي وتر تعزفْ ياقلبي ؟!
صدى عزفك يعوّدْ لك أسئله
وترجع كما تـبْـدي من الأوّل :
هوا ونار وعجينةْ طين.

***
على الباب اللي وقـفـتْ 
وما انفتح لك باب
وتظل واقفْ والمعاني بعاد
ولا عندك للأسئلة أجوبة 
وبعدك يا قلبي ما وفيت الدّين ..
بعد باقي من الطريق شويْ
تَهـيـَّـدْ ، وانـتـظـرْ ، وانـْـهـَـمْ 
إليما يــنــقــفــظْ هالــفَـيْ
على نــفْـس الوتر إعْـزف
على كيف ما يحكم 
رماد العمر في السّـبْـعـيـن
وجـر الآه سَـكرانه .. ولا يـهـمّـك
على السّــكّـيـن.

***
تـهَــيـّـد ، وانْـتـظـرْ ، وانـْهـَـمْ
بَعَـد .. باقي من الطّريق شْـوَيْ ..
تعال وظُـمّـني .. بَــرْدان 
أنا احْـتـاجـكْ مَـحَـبَّـة
وحسْن ظَـنْ وأمَـل 
في زَهْــرة الـنّـسْـرين.

علي عبدالله خـليفة