من الأشهر اليوم؟

احتفل محبي الفنان محمد منير بعيد ميلاده الـ 68 على موقع التواصل الاجتماعي تويتر، حيث استرجع الكثيرون مسيرته الفنية التي بدأت منذ السبعنيات إلى جانب نشر أبرز أغانيه.

كما أصبح محمد منير ضمن الكلمات الأكثر بحثًا في مصر اليوم السبت 10 أكتوبر 2020، وقال الفنان أحمد جمال عبر تويتر كل سنة وانت طيب يا كنج .. ربنا يخليك لينا و يديلك الصحة و السنة الجديدة تكون كلها نجاحات زي ما انت معودنا.

اقرأ أيضا: في عيد ميلاده.. تعرف على أبرز جوائز الكينج محمد منير

محمد حامد كتب كل فنان ليه جمهور إلا محمد منير ليه شعب، كتب مغرد أخر ولسه بيجري ويعافر و لسة قلبة لم يتعب من المشاوير.. زي النهارده من 68سنة اتولد طفل في قرية صغيرة في جنوب أسوان تعب وعافر لحد ما وصل لأسطورة الغُنى العربي وانه يبقى الكينج محمد منير ..كل سنة وأنت طيب يا كينج ودايما ممتعنا بصوتك وفنك 10/10/1951.

وقالت مغردة أخرى محمد منير دا رايق ومجاش ولا هيجي زيه،أحمد كتب بمناسبة عيد ميلاد محمد منير ، بهديلكم اغنيه شبابيك.

علق وائل الخطيب في حب الكينج (محمد منير) كل سنة وانت طيب وفي سعادة، عبد العزيز كتب الكبير كبير يا محمد يا منير ملك الانبساط والسعادة كل سنة وانت طيب وبخير وسلامة وسعادة يارب يا ملك الملوك.

محمد فهمي كتب عمرو دياب محمد منير شيرين عبدالوهاب مواليد شهر اكتوبر عاوزين ايه تاني ؟.

جيجي كتب كل سنة وكل حد بيحب محمد منير طيب وجميل وحنين شبهه.

قال أورتيجا محمد منير عمل ألبوم شبابيك سنه 1981 لحد دلوقتي بيتسمع من كل الاجيال ولسه في اجيال هتسمعه كتير جايه بيغني من السبعينات لحد دلوقتي ولسه ليه جماهير وجمهور جديد بيطلع يحب التاريخ العظيم ده في اغاني ليه بتفكرني بالوقت والحقبه اللي كنا عايشين وقتها لما الاغاني نزلت اسطوره.

مصرية كتبت ولسه بيجري ويعافرزي النهارده من 66 سنة اتولد طفل في قرية صغيرة في جنوب أسوان تعب وعافر لحد ما وصل لأسطورة الغُنى العربي وانه يبقى الكينج محمد منير كل سنة وأنت طيب يا كينج ودايما ممتعنا بصوتك وفنك.