من الأشهر اليوم؟

استطاع باسم يوسف أن يكمل 3 سنوات كاملة دون أكل لحوم أو مشتقاتها المختلفة بنظام غذائي نباتي تمامًا، فلا يستهلك أي من منتجات الحيوانات المختلفة، مع بعده عن السكر المعلب والأطعمة المقلية وغيرها من المأكولات غير الصحية، ومع بداية الألعاب الأولمبية مساء أمس الجمعة ومشاركة بعض اللاعبين المتبعين لنفس النظام الغذائي، جعل باسم يعيد فتح الباب أمام البرنامج الذي يتمنى تقديمه فعليًا في يوم من الأيام وهو عن "vegan" والنظام الغذائي النباتي تمامًا.
وسبق أن نشر باسم على حسابه نظام عصائر الخضار الطازجة غير المعلبة، متحدثًا عن كمية الفائدة التي تحملها للجسم لكن الأمر لم يسر كما تمنى وبدأ الاستهزاء بفكرة الأكل الصحي والاستهزاء بشخصه، لكن ذلك لم يمنعه من الاستمرار في محاولة إيصال الفكرة لأكبر قدر من المهتمين، كذلك من خلال جروب خاص على الفيسبوك يهتم بنفس الفكرة يسمى  Plant Based Diet (Egypt)

وأضاف يوسف على صفحته قائلًا: "بمناسبة الألعاب الأوليمبية، و هنا مش حتكلم عن مين رفع علم ايه لأن الناس قامت بالواجب. المهم أنا عايز اتكلم في موضوع بعيد عن السياسة و بيمسني أنا شخصيًا. أنا داخل على تلات سنين باتبع النظام النباتي. و خليني أكون دقيق و أقول إن أنا مش نباتي بمعني (vegeterian) و لكني خضري أو "vegan" و ده معناه إني مش باستهلك أي نوع من أنواع منتجات الحيوانات بما فيها الألبان والبيض. بعكس الفيجتريان اللي بياكلهم. و خليني دقيق أكتر و أقول إني باتبع نظام اكثر انضباطا و هو plant based whole food diet والفرق هنا اني مش باستهلك اي شئ مصنع بما فيهم السكر و الزيوت و مش باكل الاكل المقلي". 

وأضاف: "أسباب كتيرة أن الواحد يقلب نباتي أو خضري أهمها تحديدًا السبب الأخلاقي وعدم أذية أو قتل الحيوانات. ومع احترامي الشديد للسبب ده لكن مش هو ده السبب اللي عشانه حولت للنظام النباتي. أنا حولت للنظام ده لأسباب صحية بحتة وفعلا صحتي اتحسنت كتير جدا وساعدت ناس كتيرة بأمراض مزمنة انهم يحسنوا صحتهم، الكلام ده شرحه يطول وأنا باتمنى أن في يوم من الايام اعمل عمل إعلامي يوضح المواضيع دي ويشرحها بالتفصيل لأن فيه ناس استفادت من ده جدا و اتمنى أن الفايدة تعم أكتر. مرة تانية بوست واحد مش كفاية عن الموضوع ده وعشان كده من وقت للتاني ححط أفكاري هنا على الموضوع ده. اتمنى تستمتعوا بمتابعة الالعاب الاوليمبية و تستمتعوا بصحة أفضل".