من الأشهر اليوم؟

ردت الفنانة ناهد السباعي على مهاجمي مسلسلها التليفزيوني «هبة رجل الغراب»، برسالة شديدة على صفحتها الرسمية على موقع التواصل الاجتماعي «انستجرام».

وجاء نص الرسالة كالآتي: "ربنا وحده ألي يعلم قد أيه أنا تعبت قوي لحد ما شوفت الكومنتات ديه، مفيش حد في الدنيا يستحمل انه حتى و هو بيصور يتشتم في كل حتة حتى الشارع قدام كل الكرو اكتئاب ورعب و قلق و قلة نوم و قلة أكل مكنش فيه حد ف الدنيا واقف جنبي غير أمي طبعا وأهلي و أصحابي".

وأضافت السباعي :" حتى أستاذ عمرو كان شايف انه فاشل جداً، ألي يقولي حرام عليكي تعملي ف نفسك كده، وألي يقولي أنت ممثلة جامدة ضيعتي كل ألي عملتيه، والي شايف أني ها فشل والي شايف أن النجاح الرهيب لهبة عمره ما ها يرجع تاني الي يقولي أنت في مكانة جامدة في السينما دمرتي مستقبلك بهبة.. دمار نفسي رهيب وأنا بصور".

 وأشارت السباعي إلى :" شكرا لكل الناس ألي وقفت جنبي شكرا لكل فريق عمل هبة رجل الغراب من أول حد لا صغر حد استحمل معايا كتير ووقف جنبي و شجعني و امن فيا شكرا برضو لكل الناس ألي خلوني عندي تحدي كبير أني أثبت لهم عكس كلامهم شكرا لأهلي وأصحابي، وعلي رأسهم أمي الي شافت معايا أيام سوده.. شكرا حبيبتي لبعد نظرك و ثقتك فيا".

يذكر أن الجزء الثالث والرابع من مسلسل "هبة رجل الغراب" من بطولة ناهد السباعى، أحمد فريد، مي فخري، هبة عبد العزيز، نورهان، محمد سليمان، سامية عاطف، حنان سليمان، نرمين زعزع، حمادة بركات، محمد طلعت، ومن إخراج رامي رزق الله، حيث تمت الاستعانة بفريق عمل جديد للمسلسل بعد اعتذار أبطال ومخرج الجزأين الأول والثاني.