من الأشهر اليوم؟

استنكر الإعلامي أحمد موسي، اليوم السبت، تصريحات الدكتور عصام حجي، عالم الفضاء المصري بوكالة ناسا، والتي أدلى بها خلال مقابلة مع الإعلامية سلمى الدالي، عبر فضائية «التليفزيون العربي»، لافتًا إلى أن الشاشة التي خرج من خلالها موجهة ضد مصر، وتمولها قطر وتركيا.

أضاف موسى، خلال تقديمه برنامج «على مسئوليتي»، عبر فضائية «صدى البلد»، «عصام حجي قعد يفتي خلال الحوار، وينتقد الدولة وإنها لا تهتم بالبحث العلمي وبتاع»، مخاطبًا إياه، قائلًا: «إنت عملت إيه للبلد عندما توليت منصب مستشار رئيس الجمهورية مع المستشار عدلي منصور، إيه البحث العلمي اللي قدمته؟ إيه الخبرة اللي قدمتها للبلد؟ إيه اللي طلبته ومتعملش؟ حد كان مضايقك في حاجة؟».

تابع: «حجي قبل المنصب عشان ياخد اللقب وبس، لكي تعود عليه بعض الامتيازات التي لا مجال للحديث عنها الآن، قبل المنصب وليس له علاقة بحقيقة المنصب لا من قريب ولا من بعيد، لم يتابع مثلًا مع التربية والتعليم، أداء واجب وبس، هو اللي عايز يخدم البلد أصلًا لازم ياخد منصب؟ هو انت جيت مثلًا بعد 30 يونيو وحد طردك؟ حد قفل الباب في وشك؟ هل قدمت مقترحات للرئيس عن التعليم أو البحث العلمي؟».

استكمل: «عصام حجي طلّع في قناة عزمي بشارة فقط لكي ينتقد، كنت أتمنى ألاقي اقتراحات بدل الشتائم والنقد بس، أنقد بس قول فكرة حتى، حتى لو عندك خلاف مع الرئيس، أكيد معندكش خلاف مع الدولة يعني، ولا هو كل واحد يقدم حاجة للبلد لازم ياخد مقابل أو يتولى منصب؟ إيه لازوم الكلام يا دكتور عصام؟ ولا هدفنا بس اننا نشتم قيادة مصر وشعبها؟ ولا انتوا بتاخدوا فلوس عشان تدمروا البلد وبس؟ ضحوا مرة عشان بلدكم».