من الأشهر اليوم؟

علق النوبي أبو اللوز، أمين عام نقابة الفلاحين، على توصية الرئيس عبد الفتاح السيسي برفع سعر توريد طن قصب السكر، قائلا: "الرئيس ربنا يكون في عونه".

وأضاف أبو اللوز، خلال مداخلة هاتفية ببرنامج "صباح دريم"، المذاع على قناة "دريم"، اليوم الإثنين: "السيسي الفترة الأخيرة استلم البلد فاضية بعد ثورتين وخراب، ودايما بينادي بالتنمية الزراعية، لكن المسئولين متقاسعين".

وذكر: "طالبنا أكتر من مرة الحكومة بزيادة سعر توريد قصب السكر، بس سيادة الرئيس ليه حتة لذيذة كده بيعملها دايما، ووزير المالية كان رافض الزيادة تبقى 15 جنيه، وبعدين قاله نخليها 20 جنيه واللي تشوفه يا ريس، فكانت لفته جميلة من معاليه، هو شايف الفلاحين كويس وعارف أننا قدامه مش وراه".

وتابع: "هنكون أول ناس في الصفوف الأمامية معاك، ومش هنلاقي أحسن منك ينهض بمصر ويحل مشكلات الغلاء، بس لينا عتاب عليك لأنك أبونا والقائد بتاعنا، يا ريت بس تشارك الفلاح أبو جلابية معاك في المؤتمرات العامة".