مكي الأذكى ومنه عبقرية وصابرين عظيمة.. هؤلاء النجوم الأفضل في نظر زملاءهم

ما يقرب من ٧ سنوات فى التحرير

نظرًا لعدم مشاركة مجموعة من الفنانين في المسلسلات المطروحة خلال موسم رمضان، فقد قرروا الجلوس على مقعد المشاهد، ومتابعة مسلسلات زملاءهم الفنانين، وإبداء آرائهم بشأنها عبر حساباتهم في مواقع التواصل الاجتماعي.

نشوى مصطفى 

لخصت نشوى تعقيبها على صناعة المسلسلات في رمضان بمنشور كتبته هو «فيه ممثلين لو لمست الشاشة وهما بيمثلوا هتلاقيها سخنة عينيهم بتشع احساس وتعبيراتهم دافية وحتى فى صمتهم رتم وإيقاع.. وفيه ممثلين تحس بالتلج بيفرّز الشاشة.. وشوشهم خشب مفيهاش تعبير وصوتهم فحيح مايتسمعش وعينهم جامدة.. لما يكون ممثل واحد مكن نستحمل لكن لما يبقوا اتنين صعب مهما كانت عبقرية المخرج والكاتب».

 

وكان مسلسل «الزيبق» على رأس قائمة الأعمال التي جذب انتباها وعلقت على أداء كريم عبد العزيز به: أكيد مانحكمش على مسلسل من أول حلقة..بس الزيبق استثناء.. كريم عبد العزيز ممثل السهل الممتنع.. حاجة غريبة حصلت وأنا بتفرج على أدائه.. فكرنى بالعبقرى استاذ محمود عبد العزيز.. كريم عمل شوت وهو بيكلم ابنه فى التليفون وبيسأله على مامته قالو خرجت بس بابا موجود.. الطفل يقصد جوز أمه.. ريأكشن كريم يتدرس.. في باقى المشاهد دمه سكر -- أظن الزيبق هايكون أولويات الفرجة بالنسبة لى لحد مانختار الباقى وبالتوفيق لكل المسلسلات ولتعب الناس ومجهودهم». 

ثم تبعته بمديحها في الفنان باسل خياط في «30 يوم» ثم الفنان ياسر جلال بطل مسلسل «ظل الرئيس» فعلقت: فرحانة جدًا لزميلى وصديقى ياسر جلال إنه أخد فرصة يستحقها وأتأخرت عليه.. وفرحانة إن شركة فنون مصر بتدى فرص وتصنع نجوم وتعيد إكتشاف فنانين والأهم إن إنتاجها من المسلسلات يضيف لقيمة الفن المصرى مش يسحب من رصيده.

إيمي سالم

ولم تكن نشوى فقط من أثار إعجابها مسلسل «ظل الرئيس» والأداء القوي للفنان ياسر جلال، وكذلك كانت الفنانة إيمي سليم، التي علقت «أنا تقريبا الوحيدة اللي مش مندهشة من ياسر جلال. .. يمكن عشان أعرفه هو و رامز من ٢٠٠٢... أو يمكن عشان دخلت بيتهم و مريت معاهم باحداث وفاة والدتهم و والدهم فبيقت عارفة هما رجالة قد ايه و بيحبوا بعض و واقفين في ظهر بعض قد ايه ؟ او يمكن عشان اشتغلت مع ياسر مرتين قبل كده، في الظاهر بيبرس و في الفنار فعرفت هو قد ايه ممثل ذو ثقل و يستاهل يبقى من نجوم الصف الاول».

واستكملت إيمي: ولا يمكن عشان عارفة أن كتير من المنتجين عندهم ضعف نظر في الناس اللي فعلا مشخصتية على حق و يستاهلوا فرص حقيقية غير اللي اخدوها. .. في النهاية هو رزق و بيجي في الوقت اللي ربنا كاتبه.. من قلبي مبروك ليك يا ياسر ... تستاهل أكتر من كده ... إنت من غيلان التمثيل طول عمرك ...بس وقتك جه دلوقتي، ولياسر.. المنتج اللي مؤمن بيك في الزمن ده ترهنله عمرك كله ... اسألني انا.

علا وناهد

وأعجبت كلا من علا رشدي وناهد السباعي فجذب انتباههما مسلسل «واحة الغروب»، حيث لخصت ناهد أداء منه شلبي فيه بعبارة: «منه شلبي.. عبقرية». 

صابرين

فيما جذب انتباه الفنانة فيدرا مسلسل «الجماعة» في جزءه الثاني، فأبدت إعجابها الشديد بالمسلسل بدءًا من تتره ثم خصت صابرين بإعجابها معلقة: صابرين... ايه دي؟ ممثلة عظيمة، عملت مشهد بعبقرية شديدة في الحلقه الثانية من الجماعة. 

درة وعمرو

كما نال مسلسل «خلصانة بشياكة» إعجاب كلا من درة والمخرج عمرو سلامة وقال عنه: اعتقد أذكى مخرج في مصر هو أحمد مكي، علشان ساب الإخراج ومثل.

 

 

 

 

شارك الخبر على