من الأشهر اليوم؟

كتب: ضياء السقا
انتقدت الناقدة الفنية ماجدة خير الله، فيلم "خيال مآته" الذي يقوم ببطولته أحمد حلمي، ويخوض به سباق عيد الأضحى المبارك.
وقالت خير الله: "خيال المآته، بداية كده اسم بايخ يشكل عامل طرد، مش جذب، ثانيا الفيلم مكنش مضطر يرجع نص قرن لزمن ام كلثوم ويصعب الحكايه على نفسه، وبالتالى يفسد حركه احمد حلمى ويخليه يظهر معظم احداث الفيلم كرجل فى الثمانين وطبعا كان مضطر يرفع سن كل من حوله فيفقد جزء كبير من الق وحيويه أحمد حلمى ورفاقه".
وأضافت الناقدة: "انت فاكر ان الجيل اللي بيدخل سينما النهارده يعرف يعني ايه بروش ام كلثوم؟ ولا ايه قيمته؟، كان ممكن السيناريست يشوف حكايه اقرب شويه من ام كلثوم يبنى عليها البلوت الاساسى، ولكنه كان عايز يقول كلام كبير وعبر ومواعظ والحكايه فلتت منه تماما".
وواصلت: "رابعا منه شلبى أهم كتير من انها تلعب هذا الدور اللى ممكن ترفضه ايمان العاصى أو من دونها!"، مؤكدة: "الكوميديا شحيحه جدا فى الفيلم وكمان ماينفعش تقول افيه وتقعد تشرحه !!".
ووجهت ماجدة رسالة لحلمي قائلة: "حط الفيلم ده جمب اخواته صنع فى مصر،ولف ودوران ،وعلى جثتى ،وحانعتبر ان آخر نجاح فنى لاحمد حلمى كان مع اكس لارج وفى انتظار فيلمه القادم".
جدير بالذكر أن “خيال مآته” بطولة أحمد حلمي، منة شلبي، خالد الصاوي، بيومي فؤاد، حسن حسنى، لطفي لبيب، عبد الرحمن أبوزهرة ، وسيناريو وحوار عبدالرحيم كمال ومن إخراج خالد مرعى.