من الأشهر اليوم؟

يبدو أن زلزال وفاة المهندس صلاح علي، عضو النادي الأهلي بفرع الشيخ زايد، ما زال يهز أركان القلعة الحمراء، من كل حدب وصوب، وباتت هذه القضية هي حديث الصباح والمساء على كل من ينتمي لمنظومة الأهلي، حيث تم تداول منشور بالجروب الخاص بأعضاء فرع مدينة نصر، يفيد القصة الكاملة لما حدث تحت عنوان هاشتاج «#صلاح_مات_ياخطيب»، نقلا عن الكابتن محمد فتحي، أحد حضور واقعة الوفاة، الذي أوضح تفاصيل الحادثة قائلًا: «أنا محمد فتحي عضو النادي.. وكنت مع كابتن صلاح في الملعب منذ دخوله الملعب وحتى وفاته».
وتابع محمد فتحي: «اللى قالك إن صلاح علي اتنقل بالإسعاف خلال عشرة دقايق كذاااب كذاااب كذااااب، وواجهنى بيه أو قول اسمه، لأننا كنا 20 فرد في الملعب وكلنا عارفين بعض بالاسم.. وبعد وقوع كابتن صلاح رحمة الله عليه، حد جه قال إنه الطبيب بعدها بحوالى 15 دقيقة وللأسف مكنش الدكتور لأن الدكتور أول مرة شفناه في المستشفى ومشى قبل إعلان وفاته بدقائق».
وذكر أحد حضور واقعة الوفاة: «الشخص إللى جه قعد يحاول هو ودكتور زميلنا كان موجود من الأول أكثر من 10 دقائق، وبعد كده قعدوا ياخدوا قرار نقله بالجولف كار، ولغاية مالفيناه بموكيت الملعب (شفت المهانة) علشان نشيله واتحركت الجولف كار كان عدى حوالي 10 دقائق كمان على أقل تقدير.. وعربية الجولف كار خدته من الملعب لغاية أول الطريق الخارجي المؤدي للهيبر (شوف هتاخد كام دقيقة).. للأسف الكذاب إللى بلغك مبلغكش كل ده».