الموقف المصري

نعزي أنفسنا، وجيل الشباب المصري، وكل المصريين، بوفاة الرجل العظيم د.أحمد خالد توفيق. د.أحمد اللي آثار كتابته فوق الوصف، وليه فضل على الغالبية الساحقة من الشباب اللي ليهم النهاردة علاقة بالكتابة أو الثقافة أو العمل العام. رجل واحد عايش في مدينة طنطا البعيدة عن مركز القاهرة، وبدون أي دعم حكومي، قدر يحقق انجاز هائل في نشر الثقافة والقراءة والمعرفة، وكمان في نشر الانحياز لقيم زي الحريات والانسانية وتقبل الآخر والتفكير العلمي. ربع قرن من الكتابة بكل أشكالها، سلاسل روايات الجيب وقصص قصيرة وروايات طويلة وترجمات للأدب العالمي ومقالات في كل المواضيع تشمل السياسة والفن والتاريخ والموسيقى والعلم. وكمان ربع قرن من التواصل الإنساني المحترم مع كل اللي بيحبوه .. كان دايماً عند حسن ظن أولاده بيه، دايماً متواضع، ودايماً ثابت على المباديء اللي علمهالنا. كل الشكر للدكتور أحمد .. هنفضل فاكرينك (حتى تحترق النجوم كلها). حتى تحترق النجوم، وحتى تفنى العوالم.. حتى تتصادم الكواكب، وتذبل الشموس.. وحتى ينطفئ القمر، وتجف البِحار والأنهار ***** رابط مدونة تجمع أرشيف مقالات د.أحمد خالد توفيق
أسرة صفحة الموقف المصري بتهنيء أقباط مصر بأحد السعف. ونتمنى لكل المصريين تكون كل أيامهم أعياد وفرحة، ونتمنى نشوف عيدنا الكبير بمصر اللي بنحلم بيها بلد متقدمة وغنية وقوية بعدالة وديموقراطية وحرية ) ***** الصورة من دير القديسة دميانة بالدقهلية، تصوير محمود الحفناوي المصري اليوم
حصاد الانتخابات (٧) وكمان الفرحة بالأمر! بنواصل رصد ظاهرة صناعة مشاهد الفرحة والرقص، والمرادي هنعرض عليكم شهادة مهمة جاتلنا من أحد أعضاء الصفحة في السيدة زينب بالقاهرة "الحكومه جايبه ناس ف ميكروباصات وبتنزلهم قدام اللجان يوقفوهم طابور ويصوروهم على انهم ناخبين، وبعدين يدوهم بنارات دعايا للسيسى ويعملوا زى حشد كده لدعم السيسى ويتصور وبعدين يخدوهم يطلعوا بيهم على مكان تانى" صاحب الشهادة اللي شاف الكلام ده صور بنفسه الصور دي. الصورة الأولى بتورينا ازاي الناس دول الي نزلو من المكروباص واقفين طابور منظم زي أي ناخبين. الصورة التانية بيبتدي ناس منهم يمسكوا لافتات السيسي اللي كانت مركونة على جانب، وبعدين الصورة التالتة فجأة كلهم بيسيبو الطابور خالص ويعملو واحد من تجمعات الهيصة اللي كانت متكررة قدام اللجان. ونلاحظ الرجالة اللي لابسين بدل سوداء على جانب الصور وهما بيشرفو على المشهد من أوله ومنهم اللي بيصور. يعني الناس الغلابة دول جابوهم يعملو مشهدين، تمثيل انهم زحام ناخبين في طابور اللجنة، وبعدين تمثيل انهم مواطنين تلقائيين فرحانين! هتنتخب بالعافية الموقف المصري دردش مع العيلة
كيف تفيد امريكا مصر اقتصاديا في ١٥ خطوه في اللقاء القادم للسيسي و ترامب نامل ان يكون الوضع الحالي للاقتصاد المصري الحرج في المقدمه وهناك عده طلبات اقتصاديه تفيد مصر وبسرعه ولعلها تكون لها الاولويه. وهذه الطلبات سبق دراستها بالتفصيل والمطلوب هو التنفيذ وبجره قلم من الرييس ترامب ولدينا تفاصيل فنيه كامله عن كل مطلب لمن يريده والاتي هوالطلبات الاقتصاديه القابله للتنفيذ بسهوله ١ تخفيض عجز الميزان التجاري مع امريكا لان واردات مصر من امريكا في عام ٢٠١٦ كانت ٣.٥ مليار دولار وصادرات مصر لامريكا١.٥ مليار دولار اي بعجز ضد مصر حجمه ٢ مليار دولار. والطريقة الوحيدة لتخفيض هذا العجز هو زياده الصادراتالمصريه لامريكا. ٢ زياده حجم التجاره بين مصر وأمريكا فلقد انخفضت من ٦ مليار الي النصف تقريبا ومعظمها للاسف تجاره سلاح. وانً يكون الهدف هو زيادتها الي ١٠ مليار دولار معظمها صادرات مصريه ٣ ويتم زياده الصادرات المصريه عن طريق اتفاق ثنائي للتجاره مثل الاتفاقيات مع المكسيك أوكندا او اسراييل ٤ والطريق الثاني هومناطق تجاره حره مع مصر مباشره دون مشاركه مع اسراييل والا ستفشل كما فشلت الكويز subcommittees ٥ ألمساعده في زياده الاستثمارات الامريكيه المباشره والتي تهدف لزياده العماله المصريه كما يهدف ترامب لزياده العماله الامريكيه ولقدانخفضت الاستثمارات الامريكيه المباشره بمصر ما عدا قطاع الغاز والبترول ٦ تخفيض الاستثمارات بمصر التي تهدف لتسويق وترويج السلع والخدمات الامريكيه فامريكا لديها بمصر اكبر عدد من الوكلاء والموزعين والمستوردين والمروّجين لامريكا اكثر من اي دوله اخري. تسويق السلع والخدمات الامريكيه بمصر يحقق ربحا سريعا لامريكا ويضيف قليلا للدخل القومي المصري كفي مصر كوكاكولا وبيبسي كولا وكنتاكي فريد وماكدونالدز و بيتزا هت و حتي برامج تليفزيونية الاستثمار بالاستهلاك هو استهلاك وانتهاز فرص وايضاً يكفي مصر استثمارات المال الساخن في البورصه والعمله واذونات الخزانه. فهذه الاموال طفيلية تربح علي حساب مصر ولا تفيد الا في استخدام صندوق النقد لها للدعايه المضلله بان برامجه نجحت في جذب استثمارات اجنبيه وهي في الواقع نجحت في جذب استغلالا ت اجنبيه ٧ عمل اتفاقيات لنقل التكنولوجيا في الانترنت والمواصلات والاتصالات وتصنيع بعض السلع الاستراتيجيه لمصر وكامثله متفرقة لتوضيع اتساع المجال مثل اداره الموانئ والاقتصاد البحري ( وهذا النشاط بالتحديد يعود الي اقتراحي بتحويل مصر الي دوله بحريه سكانيا واقتصاديا ) وتوليد إلطاقه المجدده وإنتاج الادويه وغيرها ٨ ونعود الان الي المعونه التي تعهدت به امريكا مع مصر واسراييل بكامب دافيد فلقد بدات المعونه الاقتصاديه والعسكرية متساويتان ولكنها الان غريبه الشكل ( في راي لتقاعس الحكومات المصريه وعدم اصرارها علي التعامل بالمثل) فلقد انخفضت المعونه العسكريه لمصر الي ١.٢ مليار دولار والمعونة الاقتصاديه الي ١٧٥ مليون دولار بينما تحصل امريكا علي ٧ مليار دولار في بدايه كل عام ٩ ولا يتوقف الامر علي حجم المعونه الامريكيه لمصر الذي تقلص بل ايضا لشروط هذه المعونه ففي حاله اسراييل تكتب امريكا شيك كاش بمبلغ ٧ مليار دولار بينما تحصل مصر علي سلع وخدمات امريكيه الصنع وليست نقدا وتنتهي المعونه بالتدوير لامريكا لدفع ثمن السلاح او غيّرن وتكسب منها امريكا اكثر مما تكسبه مصر وهذا موضوع تمت دراسته باستفاضة سابقا ١٠ تقترض مصر حاليا من الاسواق العالميه بأسعار فايده فاحشه تتعدي ٨% وأذون الخزانه المصريه تتعدي ١٨% بينما لا تزيد اسعار الفايده بالعالم عن ١.٥ ٢% وهناك حل لتخفيض الفايده التي تدفعها مصر استخدمته اسراييل وهو ان تطلب ضمان من الخزينه الامريكيه لاي قروض مصريه وتعيد مصر طرح قروضها بضمان الخزانه الامريكيه وهو ما يسهل الحصول علي القروض من أسواق المال العالميه وتدفع القروض المكلفة مقابل قروض في حدود ١.٥ ٢% او حتي اكثر قليلا لان سعر الفايده العالمي الان يتجه للارتفاع. لا تستخدم هذه الميزه لتزيد الاقتراض فقروض مصر الان تضعها علي حافه الهاويه ١١ تعهدت امريكا في كامب دافيد ايضا ان تعطي مصر الاولويه في المناقصات الحكوميه وهذه ميزه ضخمه لم تستخدمها مصر مره واحده مع انها اهم المميزات التي يمكن استحقاقها بامريكا وتستخدمها الاقليات للتقدم وطبعا تستخدمها اسراييل ١٢ ألمساعده في ادخال مصر في سلسله العرض ( الانتاج) والتوزيع العالميه لان معظم السلع الامريكيه او العالميه تصنع الان في بلد واحده فالاي فون مثلا يصنع في عشرات الدول . والخدمات ايضا بالعالم تعتمد علي سلسله يقوم بتنفيذها عشرات الدول حول العالم كله وكذلك الانترنت ومصر لا تشارك الان في سلسله العرض او الخدمات الدوليه ودخول مصر سلسله العرض والخدمات العالميه هو خطوه نحو اقتصاد مصري عصري. وهذه الأفكار ليست وليده الساعه بل كتبت عنها في التسعينات ولذا اقول ان هناك تفاصيل فنيه كامله لإنجاحها لو هناك عزيمه وأداره ماهره للاقتصاد المصري .
الصفحة دة مشبوهة والادمن بتاعها شغلتة الوحيدة تشويهة السيسى ومن غباءة مزور الصورة دة وبيقول عليها ان الناس خدت سلع مقابل نزول الانتخابات ركزو فى الصورة شوية وهاتعرفو فين التزوير الصباع اللى لوحدة فين والكف فين اغبية حتى فى التزوير هههههههههههههههههههههههههههه
** حصاد الانتخابات (٤) الأكل مقابل التصويت!** بالاضافة للفيديوهات اللي نشرناها جاتلنا كمان صور من أماكن مختلفة. أول ٣ صور بعتهم أحد أعضاء الصفحة من دايرة المرج، بتظهر الناس الغلابة قدام محل جمال هاشم للسلع التموينية، وبيستلموا مقابل كارت صورة الرئيس السيسي اللي عليه الختم بعد الانتخاب. الصورتين اللي بعدهم دول من منطقة عزبة النخل، رسالة بعتهالنا مواطن محترم من هناك. ***** ونكرر تاني إنه غير كل الاهانة واستغلال حاجة الناس، وكل اعتبارات الرشاوى الانتخابية، بنسأل مين دفع كل التكاليف الهائلة دي على مستوى الجمهورية؟ هل ده من موازنة التموين الحكومي خاصة ان الصرف من نفس المنافذ؟! ولو دي فلوس خاصة؟ فلوس مين؟ محدش قال عن حجم التبرعات اللي جه لحملة الرئيس السيسي؟ واللي دفعها هياخد ايه قصادها؟ ولا كالعادة هيتقالنا الرئيس هوا نفسه النظام وهوا نفسه الوطن والبلد ومصر، ويبقى كده عادي مفيش فارق بين المال الخاص والعام ومش من حقك تسأل أساسا. هتنتخب بالعافية الموقف المصري دردش مع العيلة
** حصاد الانتخابات (٢) الأكل مقابل التصويت!** هنا هنلاقي فيديو وصللنا لتوثيق ظاهرة جاتلنا عنها شهادات وفيديوهات وصور هنعرضها كلها. كروت صغيرة عليها من ناحية صورة السيسي ومن الناحية التانية خانات لبيانات البطاقة، يروح ينتخب وياخد عليها ختم (تحيا مصر) من مندوب واقف قدام اللجنة، أو يبصم عليها بالحبر، ويرجع يستلم سلع تموينية. الفيديو من قدام تاجر سلع تموينية في منطقة ألف مسكن بالقاهرة، أول مشهد فيه الناس الغلابة اللي رجعت بالكروت المختومة وبيستلمو الزيت والسكر وبيستحملو الزعيق فيهم، والمصور بياخد الكارت من واحدة منهم بيعرضه للكاميرا. المشهد التاني قصاد المحل قاعدين بيسلمو الناس الكروت ويملو بياناتهم. *** المشاهد دي غير انها مهينة فعلاً بتطرح سؤال عن مين اللي دفع الكلفة الهائلة دي؟ لو دي أموال حكومية فبأي منطق تتربط بالسياسة؟ ولو السلع دي في كل منطقة دفعها عضو مجلس نواب أو رجل أعمال يا ترى هيستفيد ايه سياسياً مقابل ده؟ هتنتخب بالعافية الموقف المصري دردش مع العيلة
** حصاد الانتخابات هتنتخب بالعافية! (١)** خلال الأيام اللي فاتت مئات من أعضاء الصفحة استجابوا لدعوتنا بتوثيق مخالفات الانتخابات، جاتلنا شهادات كتير، وصور، وفيديوهات، هننشرها كلها. قلنا قبل كده اننا بنحترم كل مصري قرر يروح الانتخابات بارادته أو قرر ياخد اي خيار على عيننا وراسنا مهما اختلفنا، دول كلامنا مش عنهم. لكن كلامنا عن مصريين كتير تم اجبارهم بالعافية وبالتهديد، أو تم استغلال حاجتهم المادية. أغلب الوزارات تم رصد حالات اجبار لموظفيها وده شمل التعليم والكهرباء والصحة، والعديد منها جاتلنا شهادات من اكتر من محافظة غير التوثيق بالصور والفيديوهات، لدرجة التفتيش على صوابع الموظفين. بشكل متكرر شهادات الإجبار الأمني المباشر، بان ظباط ياخدو ناس من الشارع او القهوة مادام مفيش على صباعه الحبر وبالعافية يتعبى في العربية وينتخب. بشكل متكرر تم توثيق بالشهادات والفيديو استخدام المساجد رغم كل الشعارات اللي بنسمعها عن ابعاد السياسة عن المساجد. *** لو كان المرشحين اتسابوا ينزلوا مكناش هنشوف المشهد الهزلي اللي فيه المنافس الوحيد للرئيس هوا مؤيد ليه أصلاً .. بالعكس كان الناس هتنزل بارادتها، واحنا هنا في الصفحة كنا من زمان بنشجع دايما على المشاركة السياسية، ولما نزل المرشحين دعمنا ان الناس تعمل توكيلات وكنا نتمنى نكمل المسار .. لكن لما السلطة تقفل السياسة، والرئيس السيسي يقول انه لن يسمح "للفاسدين يقربوا من الكرسي"، ويتم منع وسجن المرشحين، بيبقى غريب جدا تتوقع نزول الناس بارادتها، والأغرب هوا قرار إننا هننزلهم غصب وإجبار! حتى لو الكلام ده دلوقتي محدش هيتحرك بيه، مفيش لجنة عليا للانتخابات مهتمة، فده للتاريخ وللمستقبل، يبقى موجود رواية تانية بتقول ايه اللي حصل. *** في البوست ده جمعنا كتير من الشهادات تشمل اللي كتبو علناً في الكومنتات على بوست دعوة التوثيق، وتشمل اللي بعتولنا على الانبوكس وخذفنا أسمائهم بناء على رغبتهم. هتنتخب بالعافية الموقف المصري دردش مع العيلة ِ
** التجربة البيروفية من الديكتاتورية لإقالة الرؤساء بسبب الفساد** بعيد عن المهزلة اللي بتحصل في مصر حالياً بيحصل في جمهورية بيرو بأمريكا اللاتينية حدث مهم جداً. من أسبوعين رئيس الجمهورية بيدرو كوتشينسكي من السفر استقال من منصبه، وبعدها بأسبوع القضاء قرر منعه من السفر بسبب التحقيقات معاه في اتهامات فساد في "فضيحة أوديبرشت". القصة ورحلة الوصول للنقطة دي مليانة بالتفاصيل المفيدة اللي نحب إن متابعي صفحتنا يعرفوها. **** ايه هي "فضيحة أوديبرشت" ؟ أوديبرشت دي شركة بناء ومقاولات برازيلية كبيرة جداً، نفذت مشاريع ضخمة للبنية التحتية في كل أمريكا اللاتينية زي طرق وكباري وجسور عملاقة، لكن في ٢٠١٦ وزارة العدل الأمريكية عملت تحقيقات مع الشركة أدت لإقرارها بدفع أكثر من ٨٠٠ مليون دولار رشاوي ل ١٢ حكومة في أمريكا الجنوبية، في مقابل منح الشركة عقود لتنفيذ الاستثمارات والمشاريع الكبرى. في ديسمبر ٢٠١٧ الشركة البرازيلية اعترفت بدفعها مبالغ تتراوح من ٥ ١٠ مليون دولار قبل سنوات لشركات استشارية كان يشرف عليها رئيس بيرو لما كان وزير للاقتصاد. حصلت محاولة تحقيق في البرلمان وتصويت على طلب جلسة تحقيق للرئيس كأول خطوة لعزله، لكن المعارضة منجحتش في الوصول لأغلبية الثلثين المطلوبة. لكن في ١٦ مارس الماضي، بعد شهور من الحشد السياسي والشعبي، المعارضة تمكنت من تمرير الطلب الثاني للتحقيق مع الرئيس واتهامه بالكذب وعدم صلاحيته الأخلاقية، وتم تشكيل لجنة من ٦ برلمانيين للتحقيق مع رئيس الجمهورية. اللجنة عملت جلسة للتحقيق معاه في القصر الجمهوري استمرت لمدة ٧ ساعات، الرئيس قال انه أجاب فيها على كل الاسئلة بمنتهى الوضوح والشفافية، لكن كان رأي أعضاء اللجنة انه موضحش نقط كتير في الاتهامات وفي علاقته بالشركة. كان مفروض الحسم في اتهامه بالكذب والبدأ في إجراءات عزله هيكون في جلسة ٢٢ مارس بالبرلمان. قبل جلسة التصويت بيوم واحد تقدم الرئيس باستقالته، وتولى نائبه السلطة وأقسم اليمين يوم ٢٣ مارس. يوم ٢٤ مارس أصدر القضاء قرار بمنع الرئيس كوتشينسكي من السفر لمدة ١٨ شهر لوجود شبهات قوية ضده، وستبدأ رحلة محاكمته. **** بلد زي بيرو وصلت للمرحلة المتطورة من الديمقراطية دي إزاي؟ هل كانت طول عمرها كدة؟ جمهورية بيرو بلد له تاريخ عريق في أمريكا اللاتينية متنوعة الديانات والأعراق، لكنها كانت بتشهد تقلبات سياسية بسبب الانقلابات العسكرية المستمرة، واللي اتسببت في احتراب أهلي وإخفاء وقتل عشرات آلاف المواطنين، جنب سوء الإدارة والفساد. من أشهر وقائع الفساد في بيرو عالمياً إنها باعت ماتش في كاس العالم سنة ١٩٧٨! ااه والله خلو فريقهم يخسر من الأرجنتين ستة صفر في الدور قبل النهائي لأن الأرجنتين كانت محتاجة ستة عشان تصعد للنهائي، والمقابل كان شحنة قمح أرجنتينية ٣٥ ألف طن ورشاوى مالية ٥٠ مليون دولار، بالاضافة لجانب سياسي هو ان حكومة الأرجنتين العسكرية وقتها سلمت مجموعة من المعارضين البيروفيين لحكومتهم عشان تنكل بيهم. ده غير اللي اتكشف بعد سنوات طويلة إن الصفقة دي تمت كمان برعاية كيسنجر وزير الخارجية الأمريكي، لدعم الجنرال خورخي فيديلا اللي دعمت أمريكا انقلابه في الارجنتين قبل المونديال بسنتين بس. سنة ١٩٧٩ كانت البلد وصلت لوضع اقتصادي كارثي، سياساتهم اللي كانت تشمل التأميم ومصادرة الأملاك لم تنجح في تدارك الوضع، الديون والتضخم ارتفعوا جداً، مفيش انتاج، الفلاحين افتقروا وجاعوا، ارتفاع رهيب بمعدل الجريمة .. توازى مع ده ضغوطات من الأحزاب السياسية اللي دفعت أثمان غالية، وضغوط من الدول الخارجية. عشان الأسباب دي قرر الجنرالات عمل جمعية لصياغة دستور وتسليم السلطة للمدنيين في انتخابات سنة ١٩٨٠، مع عمل صيغة تضمن استمرار نفوذهم. لكن النهاية السعيدة مجاتش برضه، بعض الحركات الشيوعية "الماوية" شكلت تنظيمات مسلحة للاستيلاء على السلطة، وحصلت معارك وهجمات كتير بين الجيش والشيوعيين اتقتل فيها عشرات آلاف المواطنين، واستمر النزاع المسلح وعدم الاستقرار والديموقراطية المشوهة لحد سنة ٢٠٠٠. خلال الفترة دي حصلت أحد أهم وقائع التاريخ الحديث لبيرو،في ١٩٩٠ كسب الانتخابات الرئاسية مواطن من أصول يابانية اسمه "البرتو فوجيموري" قدر يكسب الانتخابات بشكل ديمقراطي على طريقة "التصويت العقابي" لمنافسيه، وكانت مفاجئة كبيرة لكونه حديث عهد بالسياسة، وقدم نفسه باعتباره مش من الاحزاب التقليدية لكنه قادر يعمل شيء مختلف، وكان شعار عهد فوجيموري هو محاربة الإرهاب وفعلياً قضى على التمرد المسلح، وحقق نمو اقتصادي وصل ل ١٣% رغم ان الاستفادة لم تشمل كل فئات الشعب. لكن سنة ١٩٩٢ فوجيموري عمل انقلاب دستوري رجع فيه دكتاتورية زي أيام الانقلابات وأسوأ! قرر حل البرلمان، واستبعاد مجموعة كبيرة من القضاة، وغير الدستور عشان تعديل النص اللي بيحدد فترة رئيس الجمهورية، تحت مبررات انه البرلمان بيعطل مواجهة الإرهاب، والتصديق على المحاكمات العسكرية للمتمردين. تم تشكيل ميليشيا عسكرية إسمها "فرقة كولينا"، كان هدفها مواجهة المتمردين الشيوعيين، لكنها امتدت لاخفاء واغتيال الاف النشطاء السياسيين على مستوى البلاد، وفوجوموري رشح نفسه في انتخابات ١٩٩٥ وكسب بنسبة الثلثين، وكمل مشوار الاستبداد والاجرام اللي وصل لتعقيم الستات إجبارياً عشان يمنعهم من الإنجاب ويمنع الزيادة السكانية! في انتخابات ٢٠٠٠ اترشح لفترة تالتة، وانتهت الجولة الأولى بتقدم فوجيموري أمام توليدو المرشح اللي المعارضة اتجمعت حواليه بنسبة ٤٨% حسب النتائج الأولية، لكن حصل تلاعب بإضافة أصوات لفوجيموري عشان يعدي نسبة ٥٠% ويحسم الانتخابات من الجولة الأولى، وفي اللحظة ده أعلنت المنظمات الحقوقية "الدولية" اللي بتراقب الانتخابات احتجاجها وانسحابها من العملية الانتخابية، وده خلى النتيجة المعلنة تتراجع ل ٤٩% واقرار بوجود جولة إعادة لكن ده كان معناه إنه التزوير واضح ومفيش شيء يمنعه. المرادي المعارضة عملت حملة غريبة ومبتكرة، طلبوا من كل الناس يبطلوا أصواتهم في انتخابات الإعادة وبالفعل تم إعلان فوز فوجيموري لكن جت نسبة الأصوات الباطلة أكتر من ٣١%! المجتمع الدولي رفض الاعتراف بالنتيجة، والمعارضة دعت الشعب للتظاهر فدأت مظاهرات يومية ضخمة قدام القصر الرئاسي، ورغم ان قواته قتلت آلاف سابقاً لكن مقدرتش في الأوضاع دي تتدخل، وهوا حاول تهدئة الأجواء باختيار رئيس حكومة معارض لكن ملقاش حد يوافق، وفجر أحد النواب فضيحة بتسجيل لرئيس المخابرات بيحاول يقدمله رشوة في مقابل الانضمام للحكومة لشرعنة الانتخابات المزورة. في النهاية أعلن الرئيس الغاء نتيجة الانتخابات والدعوة لانتخابات جديدة بعد ٣ شهور، وفجأة راح سافر اليابان وبعت استقالته بالفاكس. بعد رحيل فوجيموري تم تعديل الدستور وإعادته للصيغة الأولى، ومنع حكم الرئيس لأكثر من فترة، وكمان تم عمل لجنة للمصالحة الوطنية منهجها الرئيسي كانت الاعتراف بالجرائم والتصالح. انتهى تقرير اللجنة في ٢٠٠٣ بادانة فوجيموري ورئيس مخابراته، وتم تسليمه لبيرو ومحاكمته بتهم الفساد والاشراف على جرائم قتل وانتهاكات حقوق الانسان، واتحكم عليه ب ٢٥ سنة سجن. القصة مخلصتش هنا، الديمقراطية وسيادة القانون اللي حصلت في بيرو خلتهم يحاسبو ٣ رؤساء ورا بعض بتهم الفساد، زي توليدو وهومالا ومؤخراً كوتشينسكي، بعد ما عرفوا قيمة الديمقراطية وأهمية سيادة القانون والعدالة اللي حمتهم من الرجوع لفترة دموية طويلة جداً كانت نتيجتها إخفاء وقتل أكثر من ٦٩ ألف مواطن من ١٩٨٠ ٢٠٠٠. ***** طيب احنا كمصريين نستفيد من القصة ده ؟ نستفيد ان مفيش دول أو شعوب كانت طول عمرها وستظل للأبد في وضع واحد، حركة التاريخ مستمرة دايماً. لكن التغيير الايجابي ممكن ياخد مسار طويل جداً، ويتعرض لانتكاسات، ومش بيحصل فجأة من السما أو هدية مجانية، لكن بجهود سياسية وبوجود مشاركة شعبية.. وبرضه كل الجهود دي تتطلب وجود فرصة مناسبة من العوامل الداخلية والخارجية عشان تنجح. خلال عشرات السنين من الاستبداد قبل التحول الديموقراطي حصلت محاولات كتير اتدفعت فيها اثمان غالية وفشلت، لكن لولا استمرارها مكانوش وصلوا لنقطة النهاردة. نفهم اهمية وقيمة وجود برلمان بيمارس صلاحياته الحقيقية زي ماهي موجودة في الدستور، وانه صميم عمل السلطة التشريعية هي الرقابة على السلطة التنفيذية ومواجهة أي شبهات فساد بالتحقيق اللازم، والعزل إذا ثبتت الشبهات، وتحويلهم للمحاكمة قدام القضاء العادل. وده معناه إنه مفيش مواضيع ممنوع مناقشتها بحجج الحفاظ على الاستقرار والأمن القومي، وانه محاسبة المسؤولين مش خيانة لأنهم بشر زي أي بشر، ممكن جدا يغلطوا أو يفسدوا، أو حتى بدون قصد وبحسن نية يديروا الموارد بشكل غلط. كمان مهم جداً نعرف أهمية وجود الأحزاب والمعارضة ووجهات النظر المختلفة لأي مجتمع، وإنها بتمنع وبتحجم الاستبداد السياسي اللي بيضيع دول كثير ويأخرها، عشان شخص أو مجموعة تتحكم في مصير بلد وتنهب موارده وتستمتع بثرواته المسروقة. مصر فيها مسؤولين أفلتوا من العقاب بملفات فساد كتيرة بإنه محدش جاب سيرتهم، أو انه مناصبهم بتحميهم، أو انهم اخفوا الأدلة قبل ما يغادروا المناصب، وحتى المحاكمات اللي تمت كان ناقصها كثير من الحقايق والأوراق نتيجة عدم وجود شفافية، وتدخل السلطة في الشؤون القضائية، وغياب قوانين حرية تداول المعلومات، أو تفعيل قوانين موجودة زي منع تضارب المصالح اللي هنتكلم عنه قريباً. وهنفضل نحلم لبلدنا وأقل جهد يتقدم هو نشر الوعي بثقافة الديموقراطية ومكافحة الفساد. **** الصورة لرئيس بيرو المستقيل بيدرو كوتشنيسكي المصادر في أول تعليق لو عجبكو اللي بتقروه في صفحتنا احكو عنه لأهلكم وأصدقائكم وتعالو شاركونا بردود أفعالهم. لو عندكم أي تجارب أو خبرات أو معلومات عن موضوع البوست اكتبولنا في الكومنتات أو ابعتولنا في الصفحة أو على إيميل الصفحة almawkef.almasry ، وهننشر ما يفيد أعضاء الصفحة. دردش مع العيلة الموقف المصري اتفضل البديل
الحل للقضيه الفلسطينيه هو الدوله الواحده وليس الدولتين الاسرائليون يستيقظون ٦.٥ مليون فلسطيني مقابل ٦.٤ مليون يهودي؟ اخيرا بدا الاسرائيليون يعترفون بحقيقه ان عدد العرب بالضفه وغزه بلغ ٥ مليون فلسطيني يضاف اليهم ١.٥ فلسطيني داخل اسراييل نفسها وبذا يصل عددهم الي ٦.٥ مليون نسمه وبالمقارنه فان عدد اليهود هو ٦.٤ مليون نسمه وهذا الاعتراف العلني لم يكن بالاعلام قبل ذلك مع انه معروف منذ سنوات للمتخصصين وفي الواقع فان هناك مبالغه في عدد اليهود لان ربع سكان إسرئيل مزدوجي الجنسيه اي لا يعيشون بها طوال العام وهناك ٤٧% من بقيه الاسرائيلين علي استعداد للحصول علي جنسيات ثانيه وبالمقابل فان اسراييل كانت دوما تقلل من عدد الفلسطينين او تخفيه والسبب انهم علي علم بهذا الوضع السكاني ان ناتنياهو يصر قبل اي مفاوضات علي اعتراف العرب بالهوية اليهوديه لاسراييل حتي يحافظ عليها في وجه الاغلبيه الدافع للحديث عن صفقه قرن حتي يرحل الفلسطينيين من غزه الي سيناء من جهه ومن الضفه الغربيه للأردن من جهه اخري وهي ايضا الدافع ان إسرئيل ترفض تماما عوده لاجئي فلسطين من مختلف البلاد العربيه والعالم ولكنهم يشجعون كل يهودي بالعالم علي التجنس بالجنسيه الاسراييليه وحمله تخويف وتشجيع يهود فرنسا علي الهجره لاسراييل احد مظاهر هذه الدعوات وحتي يهود اثيوبيا من الفلاشا كانت لنفس الغرض مع انهم يعاملون بإسرائيل كانهم عبيد وهي ايضا السبب ان سكان المستعمرات الاسراييليه يكونون عائلات اكبر عددا في المتوسط عن بقيه السكان الاسرائيلين وكتبت اليوم اهم الصحف الاسراييليه بالعبري تحلل عن معني ٦.٥ مليون فلسطيني مقابل ٦.٤ مليون يهودي ؟ ( ملاحظه شخصيه قام ابني الأصغر تيمي تيمور بحضور ماده عن تاريخ القضيه الفلسطينيه في جامعه نيويورك منذ حوالي ٨ سنوات ولأنه ماهر في الاحصاء قدم دراسه إحصائيه في الماده في موضوع ديموغرافيا العرب واليهود بإسرائيل وكان الاستاذ اسراييلي وبدا عليه الغضب عندما اصر تيمي علي تقديم تحليله الإحصائي وانتهي منه الي ان الهويه اليهوديه لن تستمر بإسرائيل في ضوء الاتجاهات الديموغرافيه ومعدل الخصوبه للفلسطينين واليهود واتضح له ان الاستاذ يعرف تفاصيل اكثر عن الموضوع ولكنه لم يريد عرضها بالفصل) فما معني ذلك ان هناك ٦.٥ مليون فلسطيني مقابل ٦.٤ مليون يهودي ؟ معناه ان اسراييل لو طبق حل الدوله واحده فان الاقليه اليهوديه ستتحكم بالاغلبية الفلسطينيه للحفاظ علي الهويه اليهوديه وأقرب مثال لهذا هو جنوب افريقيا حيث تحكم الجنس الابيض الاقليه في الجنس الاسود الاغلبيه وعاشت جنوب افريقيا لفتره كدوله عنصريه والجميع يعلم ان عنصريه جنوب افريقيا لم تعيش طويلا والهويه اليهوديه التي ستتحكم بعنصريه بالاغلبية الفلسطينيه لن تعيش طويلا ايضا ولذلك تنادي الصحيفه الاسرايليه اليمينيه ومعها بعض السياسيين بان علي اسراييل ان تسرع وتقبل حل الدولتين وهو الحل الذي لا يقبله ناتنياهو او علي الاقل لا ينفذه ومعه كتل اليمين الديني الحاكم لاسراييل ولقد حاول جون كيري ان يشرح هذا لاسراييل وقدم تحليلا متكاملا في صالح اسراييل لينقذها ولكن اليمين الاسراييلي اعتبره متحيزا ضد اسراييل! وهذا هو خطاب كيري والان الي العرب ستجدهم لا زالوا ينامون في العسل اما جهلا او عمدا ويطالبون بحل الدولتين اي انعكست الايه اسراييل ستبحث عن حل الدول بدل الدوله الواحده ولو استيقظ العرب سيطالبون بحل الدوله الواحده بدل حل الدولتين اي انقلبت الصوره ١٨٠ درجه ولكن هل سيستقيظ العرب؟ ,٧٣٤٠,L ٥١٩٧٨٢٧,٠٠.html
مذكرات فوسبكيه منذ عام عن حلول لسد النهضه واضيف حلا جديدا ابسط مبادله الكهرباء من شمس الصحراء الغربيه بسد النهضه وحمايه مياه النيل وهب الله مصر بالصحراء الغربيه غير سهله المعيشه ولكنها أولي دول العالم في الصلاحيه لتوليد الطاقه الشمسيه وبدات بها مشاريع فعلا تبشر بخير عظيم وبنيت محطه لتنتج ثلث انتاج سد النهضه باقل من ربع التكلفه لان سد النهضه سينتج ٦.٤ ميجوات ويكلف ٦.٤ مليار دولا ر بينما الطاقه الشمسيه بالصحراء الغربيه ستنتج ٢.٥ ميجاوات بتكلفه حوالي ١.٢ مليار دولار وخلال عامين ستتمكن مصر من انتاج ما يكفي لتغطي الطاقه الكامله لسد النهضه وأكثر حسب الاستثمارات والاقتراح ببساطه ان تعرض مصر علي اثيوبيا ان تمدها بالكهرباء بما يساوي سد النهضه سواء مجانا او مشاركه في التكلفه علي ان تتنازل عن سد النهضه وتحمي مياه النيل والطاقه الشمسيه افضل لاثيوبيا كثيرا من الطاقه من السدود الماييه اولا لان تكلفه التشغيل اهم وثانيا لان خطر الانهيا ر للسد اقل ثالثا وعدم الاعتماد علي ظروف المطر من جفاف لفيضان رابعا وايضاً لان الكهرباء من الشمس نظيفه ولا تؤثر علي المناخ خامسا كهرباء الشمس متجددة اي لا تحتاج لمواد خام فالرياح لا تقف سادسا وتمد مصر شبكه كهرباء من أسوان للسودان لاثيوبيا فتستفيد السودان ايضا هذا الحل لم يكن ممكنا لحين اكتشاف الميزه العبقرية للصحراء الغربيه فهل تحاول مصر التفاوض علي مبادله سد النهضه بكهرباء الصحراء الغربيه وتحمي مياه النيل ؟ وهذه هي الحلول التي قدمتها منذ ع —— ١١ مذكرات فيسبوكيه من عام عن حلول لسد النهضه يكاد ان ينتهي البناء ومصر في نوم عميق. والسيسي لم يقدم حلا وهو يرشح نفسه ٢١١٥٥٠٤ الحل الحل والحل واضح وضوح الشمس وفي يد السيسي وليس بيد افريقيا او اوروبا او امريكا. وهو كالآتي في خطوات ١ انسحب من اتفاقيه الخرطوم وهذا من حق مصر ولحسن الحظ لا عقاب علي ذلك في بنود الاتفاقيه ولديك أسباب قانونيه قويه ان اثيوبيا تستمر في البناء رغم عدم الانتهاء من الدراسات الفنيه وتضيع الوقت في المفاوضات وفشل ١٤ اجتماعا في حل الخلافات وقامت بتضخيم السد بدون تشاور وعمل فتحتين فقط بدل من اربعه فتحتات وتعمل بسريه وخبث وتستغل ظروف مصر ببناء حقائق علي الارض والنهر وتغيير السودان موقفها ووقوفها الان مع اثيوبيا بشكل سافر ٢ او استخدم البرلمان الموقر ليرفض هذه الاتفاقيه الكارثية ٣ تفاوض مع اثيوبيا بأسلوب ترامب "ليس هناك اختيار مرفوض" اي ان الحل العسكري معروض. وتعلم من صديقك ترامب الذي انسحب من اتفاقيه المناخ التي شملت ١٩٥ دوله وانسحب من اتفاقيه تجاريه قديمه مع جيرانه المكسيك وكندا وانسحب من اتفاقيه تجاريه جديده مع معظم دول اسيا ويهدد كوريا الشماليه بحرب ذريه وقفل التليفون في وجه رييس استراليا لرفضه اتفاقيه هجره وهدد فنزويلا بالغزو لانها تمثل في نظره خطر علي مصالح امريكا فالرجل يدافع عن مصلحه بلاده القوميه وكل الخيارات معروضه وانت يا ريس ستدافع عن مستقبل مصر كله بالانسحاب من هذه الاتفاقيه اللعينة . ليست عيبا او حرجا ان ترجع في كلمتك وتنسحب من اتفاق لا يلتزم به الأطراف الآخري وخطر علي أمن مصر المائي ٤ ألجأ الي تحكيم دولي بناء علي حق الانسان المصري في المياه وهو مبدأ أقرته الامم المتحده وهذه خلفيه قرار الامم المتحده ونصه ٥ واذا فشل كل شي ألجأ لحل مخابراتي او عسكري مستقبل مصر في يد السيسي. فهل يتحرك وينقذها قبل فوات الأوان؟ وكان سبق هذا دراسه من الجمعيه الجيولوجيا المصريه —— رساله خاصه للرييس السيسي من الجمعيه الجيولوجيه الامريكيه تحذير من خطر سد النهضه علي وجود دلتا مصر تدفق المياه والطمي من النيل سينخفضا في فتره التخزين للمياه خلف السد وبعدها اقرا نص دراسه علميه علي مدار عده سنوات من اهم مراكز العلم والموضوعية المتخصصه في الجيوجوليا ومنها دراسات البييه للسدود علي الارض والجغرافيا والطبيعة بالعالم ولن تعلوا عليها دراسات اخري وهذا ليست دراسه متحيزه لمصر او اثيوبيا. وإثيوبيا لم تعد دراسات جديه علي اثر سد النهضه علي اثيوبيا او تعد اي دراسات علي اثره علي السودان او مصر ومصر نفسها لم تعلن عن ايه دراسات علميه عن نتايج سد النهضه عليها سوي اجتهادات شخصيه ودراسه الجمعيه الجيولوجيه الامريكيه المرفقه بهذا الرابط والمنشورة بأعرق الدوريات العلميه الصادره منها للمتخصصين. ولكن نتايجها لا يمكن لمسئول مصري ان يتجاهلها او يغيب الشعب عنها كالأنعام التي رأسها في الرمال وتبدا الدراسه بتحديد ان دلتا مصر ترتفع متر واحد علي مستوي البحر وانه بين انخفاض الطمي المتراكم بها مع مياه والتغيير المناخي الذي يرفع مياه البحر فان وجود دلتا مصر باكملها مهدد بالزوال ونتيجه لانخفاض المياه المصبه من سد النهضه ( وهناك بمصر من يصفقوا للنظام وينكرونه ولكن دراسه المساحه الامريكيه تؤكده رغم ادعاء المغيبين) سينخفض تراكم الطمي مع المياه والطمي هو الذي رفع ارض الدلتا وأثراها بالخصوبة ولكن التغيير المناخي يخفض ارض الدلتا كل عام عن مستوي البحر وما بين انخفاض الطمي والانخفاض المناخي اصبح بقاء واستمراردلتا مصر مهدد أكررها وجود دلتا مصر اصبح مهددا من سد النهضه متلازما مع التغيير المناخي والرئيس السيسي شخصيا يتحمل هذه المسؤليه فلا البرلمان ناقش الموضوع ولا الشعب شارك باستفتاء. بل لا يعلم المصريون حجم الكارثه وانها سيستمر طالما استمر السد لقرون وتغير مصر كما عرفها التاريخ والجغرافيا وتصبح صحراء عطشاء فلقد وقع الرييس السيسي علي اتفاقيه الخرطوم في مارس ٢٠١٥ واعطي لاثيوبيا حق بناء السد بلا شروط فلم يشترط تصميما للسد يخفض من حجمه او يزيد عدد الفتحات منه لتدفق المياه او حتي يطلب حصه محدده لمصر من مياه النيل وترك تحديد هذه الحصه في يد الدكتاتور الاثيوبي الحالي والتالي فقامت اثيوبيا ببناء اكبر سد في افريقيا رغم انتقاد الخبراء والذي وضع الحجم الاقصي للسد بحوالي خمس حجمه الحالي او اقل وتراخت مصر فزادت ثيوبيا حجمه الي مستوي خرافي ثم قررت اثيوبيا زياده طاقته لتوليد الكهرباء من ٦٠٠٠ ميجاوات الي ٦٤٥٠ ميجاوات وان تسمح فقط بفتحتين مع ان مصر طلبت اربع فتحات وايضاً تنازلت معاهده الخرطومعن حق مصر في التحكيم الدولي واشترطت ان يتم حل الخلافات من مجلس رئاسي مكون من مصر وإثيوبيا والسودان وهو مجلس متحيز ضد مصر لان السودان تؤيد اثيوبيا ضد مصر لقد كتبت كثير عن هذا الموضوع وطرحت حلولا اولا التفاوض مع اثيوبيا علي تصغير حجم السد وتحديد حصه من المياه لمصر واذا رفضت اثيوبيا ان يتم فسخ اتفاقيه الخرطوم ولا يوجد بها عقاب علي الفسح ثم اللجوء لتحكيم دولي او ان يقوم البرلمان برفض اتفاقيه التي لم تعرض عليه وثالثا لو فشل هذا فالحل العسكري لابد وان يستخدم نعم ادعو لحرب بعد فشل كل المحاولات السلميه لتحديد حصه لمصر من مياه النيل وتصغير السد لحمايه وجود دلتا مصر ولمنع العطش والتصحر من التهام بقيه البلاد او لمنع كارثه في حاله انهيار السد من يريد الرد لابد وان يقرا الدراسه ويرد عليها اولا. وهذا بعض ما كتبته سابقا واعتذر عن الاطالة الا انني اريد توثيق كل شي حتي يمكن للقاري الثقه بها والمتخصص الاعتماد عليها. اقتراح موجه للرييس السيسي شخصيا اطلب تصغير سد النهضه الاثيوبي وتخفيض ارتفاعه وتقليل خزانه السيد الرييس السيسي معلومات جديده تقدم حلا اخر لتجنب كارثه سد النهضه اطلب تصغير حجم السد من ٦٠٠٠ ميجاوات الي ١٢٠٠ ميجاوات. عندما تنشر صحيفه اثيوبيه ان وزير الخارجيه مصر طلب مقابله مع وزير خارجيه اثيوبيا والسودان نعرف ان سد النهضه موضوع يقلقك. فلا شك انك لا تريد ان يكون أمن مصر المائي وحصتها من مياه النيل تترك في يد اثيوبيا وحكامها من الان والي الأبد. ولا شك انك تعلم ان معاهده الخرطوم التي وقعهتا في مارس ٢٠١٥ سمحت لاثيوبيا ببناء السد بدون اشتراط حصه لمصر من مياه النيل وتنازلت عن حق مصر في التحكيم الدولي . ولابد انك تبحث عن حل. والان وبعد اعتراف وزير خارجيه اثيوبيا ان ٧٠% من السد تم بناءه بدا الاعلام الاثيوبي وبعض المتخصصين يكشفون عن اسرار لم تكن معروفه من قبل واعتقد ان هذه الأسرار والمعلومات ستمكنك اما ١ ان تنسحب من اتفاقية الخرطوم لانها تمت تحت خداع وتدليس إثيوبي وليس هناك عقاب بالاتفاقيه عن الانسحاب او ٢ ان تطلب تعديل الاتفاقيه لتحديد حصه مياه لمصر من نهر النيل وان تستعيد حق مصر في التحكيم الدولي فيرحاله عدم التنفيذ. ٣ وان تطلب تصغيرحجم السد ٤ وان تلجأ للتحكيم الدولي لتنفيذ معاهدات حقوق الآنسان المصري في المياه فما هي هذه المعلومات الجديده وارجع هنا الي كتابات متخصصين إثيوبيين الذين كشفوا الان فقط عن هذه المعلومات اولا ان اثيوبيا تفسر اتفاق الخرطوم كانه تلغي عن كافه المعاهدات السابقه والتي حددت حصه مصر من مياه النيل بكميه ٥٥ مليار متر مكعب بينما يبدوا انك وعلي حسب الاعلام علي تصور ان المعاهدات السابقه التي تضمن حق مصر في ٥٥ مليار متر مكعب من مياه النيل لا زالت سارية المفعول ولم تلغي فمثلا يكتب احد الخبراء الاثيوبيين [لا بد أن السؤال عن مصیر اتفاقیات عام ١٩٠٢ و١٩٢٩ و١٩٢٩، وتأثیر هذا الاتفاق الجدید علیها، وکان هذا التساؤل نفسه قد ثار في القاهرة قبل أربعة أیام من التوقیع علی اتفاق إعلان المبادئ. فقد أوردت وکالات الأنباء أن مصر أعلنت یوم الخمیس ١٩ مارس أن مشروع إعلان المبادئ "لم یل ِب بعض الشواغل المصریة" وأن هذه الشواغل ُتعالج بعیدًا من الإعلام قبل الزیارة الرئاسیة إلی إثیوبیا والسودان. ثم ذکرت وکالات الأنباء أن الرئیس السیسي قد اجتمع مع وزیر الخارجیة سامح شکري، ووزیر الموارد المائیة والري حسام مغازي، ووزیرة التعاون الدولي نجلاء الأهواني، ورئیس الاستخبارات العامة خالد فوزي، وممثل لوزارة الدفاع، ووجه بـ "استمرار قیام اللجنة العلیا لمیاه النیل واللجنة الفنیة المنبثقة عنها بمراجعة مشروع اتفاق إعلان المبادئ ودراسة کل جوانبه في شكٍل متکامل، واوضحت بعض التقاریر أنهناك مطالب مصریة یتم التفاوض في تقاریر أخرى أشارت إلی أن الرئیس السیسي سوف یتوجه إلی أدیس أباب لمناقشة تلك الشواغل، والتي شملت بذاك الوقت إلزامیة اتفاقیات ١٩٠٢ ١٩٢٩ و١٩٥٩. ] ولكن قام الرييس السيسي بالتوقيع علي معاهده الخرطوم دون ذكر هذه المعاهدات الثلاث مما يعني عدم التزام اثيوبيا والسودان بحصه مصر التاريخية من مياه النيل وتنازل الرييس السيسي عن حصه مصر من مياه النيل . وهو امر يصعب تصوره او القبول به ٢ ان حجم السد متضخم الي ٦٠٠٠ ميجاوات ولو كنت تعلم ان الفنيين والمهندسين اعترضوا علي هذا الحجم لكنت قد طالبت ان يكون حجم السد اصغر بالنص علي ذلك في اتفاقية الخرطوم فمثلا قامت هيئه المساحه الامريكيه التي درست ٢٤ موقعا منها ٤ علي النهر الأخضر وأحدهما موقع سد النهضه ولكنها قامت بالنصح بان لا يزيد السد عن خمس حجمه الحالي اي ١٢٠٠ ميجاوات ثم تقدم عدد من الخبرات باقتراحات بالا يزيد حجمه عن ربع الحجم الحالي اي ١٥٠٠ ميجاوات ويلّي ذلك التقليل من ارتفاع السد وحجم الخزان ٣ ومن الواضح ان الرييس السيسي ومستشاريه من مصر لم تعرف حقيقه هذا التضخم والا كانت اصرت علي حجم اصغر قبل التوقيع علي اتفاقيه الخرطوم وكيف تفسر سياده الرييس ان تحديد حجم السد تَر ك لقرار اثيوبيا وبالأدق المقاول الايطالي سيليني رغم ان هذان البديهيات في اتفاقات السدود ولان مصر كانت تتجنب بعض المخاطر باشتراط حجم اصغر للسد كما قال الخبراء ٤ والسبب في تضخم حجم السد لا علاقه له بحاجه اثيوبيا للكهرباء او حتي الطلب من الخارج عليه ولكنه ببساطه فساد لان الشركه الإيطالية ساليني التي تبني السد هي نفس الشركه التي أعدت دواسات الجدوي فضخمت المشروع لتستفيد من تكلفه البناء ٥ ان تضخم السد لا يقتصر علي السد وحده بل يتطلب خطوط توزيع اكثر تضخما وتكلفه وكذلك تكلفه بيئيه و تكلفه الصيانه التي قد لا تستطيع اثيوبيا بالحفاظ عليها فهي دوله لا يزيدزالاحتياطي للعمله الاجنبيه لديها عن ٣ مليار دولار ٦ وحتي لو هناك حاجه لتصدير الكهرباء للدول المجاورة فإنها تكلفه انشاء شبكه توزيع الكهرباء اعلي من قدراتها الماليه ٧ ان توليد الكهرباء عن طريق السدود هو اعلي تكلفه من مصادر إلطاقه المجدده وخاصه الشمس والرياح ولقد حبي الله افريقيا بالشمس والهواء مما يعني انهم سيكونوا أرخص علي الأبعاد المجاورة بدا الاستيراد من اثيوبيا بتكلفه باهظه ٨ اما عن تصدير الكهرباء فلا اعتقد ان ذلك سيحدث الا بكميات صغيره اولا لان السد لن يعمل بكافه طاقته كما قال الخبراء مهما حاولت اثيوبيا وثانيا لان خطوط التوزيع اكثر تكلفه من بناء السد وثالثا لان لدي الافريقين مصدر اصبح أرخص بكثير من السدود وسهل التنفيذ وهو توليد الكهرباء من الشمس والرياح فهمًا الان الأرخص تكلفه من كل المصادر حتي الفحم والتكنولوجيا لازالت تطوره ليرخص اكثر. اي ان الحاجه لهذا السد مستقبلا هذا مشكوك بها وسيصبح مثل معظم المشرِّعات الضخمه الخرافية التي يبدأها الحكام للبربوجاندا ولكنها لا تحقق نجاحا او عائدا. ولقد افتتحت اثيوبيا سد اخر الاسبوع الماضي سيغطي كل احتاجاتها من الكهرباء ولديها مشروعات للسدود اخري عديده وصغيره وليست علي النهر الأزرق وكل هذه تكفي للتصدير لو هناك طلب بدون الحاجه لسد ضخم يمنع او يُحد من مياه النيل لمصر . سد النهضه هو مشروع توشكا الاثيوبي. ٩ ان طبيعه انسياب النهر الازرق وهو المصدر الأساسي لمياه النيل لن تمكن السد بالعمل بطاقته الحاليه بالكامل ولكنه سيحجز كميه اكبر من المياه بلا مبرر منا يضر بمصر ١٠ ان المتوقع ان العايد من السد لن يغطي تكلفه صيانته وانه قد لا يعمل طوال الوقت ١١ ان اثيوبيا كانت شاركت في ندوات ودراسات بالأمم المتحده توكد ان خطر السد علي حق المصريين في المياه وهو حق أضيف الي حقوق الانسان في الامم المتحده وينص علي توافر المياه بكميه وجوده صالحه المعيشه وهناك معاهدات تضمن ذلك ١٢ من حق مصر ان تلجأ الي تحكيم دولي لتهديد سد النهضه لحقوق المصريين في المياه كما تقتضي القوانين الدوليه مرفق ادناه الدراسات العلميه التي لخصت بعضها هنا للتبسيط وارفقها كمرجع للمتخصص حتي يمدك يا سياده الرييس بالمعلومات الفنيه التي تمكنك من طلب اعاده صياغه اتفاقيه الخرطوم بتحديد حصه مياه لمصر علي وان تسمح بالتحكيم الدولي. واذا كان هناك من ينتقد هذا التحليل فارجوا فقط ان يدرس هذه المرفقات فلا أقول كلامامرسلا بل كله موثق السيد الرييس بدل ان تترك الامر لوزير الخارجيه اطلب بنفسك فورا اجتماع مع روساء اثيوبيا والسودان وتطلب تعديل اتفاقيه الخرطوم لا تنتظر الدراسه الفنيه المزعومه فهي مجرد تسويف لحين ان ينتهي بناء السد ويصبح واقع يصعب عليك تغييره. ولعل احد التعديلات الجديده التي تطلبها بناء علي هذه المعلومات في اتفاقيه الخرطوم ١ هو تصغير السد وتعطيل جزء من السد وعدم تشغيلها حتي يعود الحجم الي ما أشار به المتخصصين ولا يزيد حجم السد عن ١٢٠٠ ميجاوات وان يشمل ذلك تصغير السد افقيا ورأسيا او طولا وارتفاعا وتصر علي تخفيض ارتفاع السد وتقليل حجم الخزان . ٢ وتطلب ايضا اضافه اتفاقیات عام ١٩٠٢ و١٩٢٩ و١٩٢٩ الي اتفاقيه الخرطوم كما كنت تنوي أصلا لتضمن حصه مصر التاريخية في مياه النيل . ومطلب تصغير السد هو في الواقع في مصلحه مصر وإثيوبيا والسودان وحق شعبها في الحصول علي المياه وكما قلت ياريس من حق اثيوبيا ان تنمي نفسها بل وتتحول الي مركز لتوليد الكهرباء من السدود ولكن ذلك يمكن ان يتم لان امريكا حددت ٢٤ موقعا لسدود منها اربعه فقط علي النهر الأزرق ويمكن لاثيوبيا ان تبني ما تشاء من السدود في مناطق اخري بدل بناء اكبر سد بالعالم في موقع واحد يخنق مصر والسودان فإذا كان من الممكن تحقيق هدف التنميه بدون ضرر لمصر فلماذا الإصرار علي هذا الحجم الا لوكان الهدف سياسي للتحكم بمصر وأمنها المائي . واذا رفضت اثيوبيا فاقترح يا سياده الريس ان تنسحب من اتفاقيه الخرطوم وخاصه انه لا يوجد بالاتفاقيه عقاب للانسحاب وتلجا الي تحكيم دولي وتحافظ علي الحقوق القانونيه المصريه لاتخاذ كافه الإجراءات ومنها الحرب لمنع خطر التصحر والعطش علي الجيل الحالي والأجيال القادمه من المصريين والي الأبد ووفق الله مصر مقتطفات من دراسه الجمعيه الجيولوجيه الامريكيه {The low lying delta plain is only about ١ m above present sea level. The northern third of the delta is lowering at the rate of about ٤ to ٨ mm per year due to compaction of strata underlying the plain, seismic motion, and the lack of sufficient new sediment to re nourish the delta margin being eroded by Mediterranean coastal currents. While the coastal delta margin is being lowered, sea level is also rising at a rate of about ٣ mm per year. Delta lowering and sea level rise thus accounts for submergence of about ١ cm per year. At present rates, saline intrusion is now reaching agricultural terrains in central delta sectors the coastal ٢٠ to ٤٠ km of delta surface will be underwater by the end of this century. There is an additional looming danger of considerable importance Ethiopia, itself energy poor and undergoing drought conditions, is shortly (in ٢٠١٧) to complete construction of the largest hydro electric dam in Africa, its Grand Ethiopian Renaissance Dam (GERD). The large reservoir behind the dam is to be filled over a three to five year or longer period, during which it is expected that the amount of Nile flow to the Sudan and Egypt and its delta will be substantially reduced. This down river decrease of Nile fresh water will produce grave conditions. The pre GERD Nile flow now barely supplies ٩٧% of Egypt's present water needs with only ٦٦٠ cubic meters per person, one of the world's lowest annual per capita water shares. With a population expected to double in the next ٥٠ years, Egypt is projected to have critical countrywide fresh water and food shortages by ٢٠٢٥. It is hoped that some form of arbitration by regional or global bodies will be applied to this rapidly evolving situation, especially with regard to the three East African countries most impacted along the Blue Nile Egypt, The Sudan, and Ethiopia} Share this video
**دعوة لتوثيق مخالفات الانتخابات.. لإن التصويت مش بالعافية!** رغم رأينا المعروف في الانتخابات دي، لكننا بنحترم جداً الخيار الحر لأي مصري .. أي مصري بكامل ارادته ياخد أي خيار سياسي ده فوق راسنا من فوق مادام ده قراره وقناعته، وحقه علينا الاحترام الكامل والنقاش بهدوء مهما كان الاختلاف. لكن حصاد أول يوم تصويت مكانش كده، كان استكمال لمسيرة إجبار المرشحين على عدم الترشح، ودلوقتي بنشوف حالات إجبار الناخبين على الانتخاب! بعض الوقائع وصل للصفحة وبعضها اتنشر علناً من أكتر المشاهد فجاجة فديو انتشر امبارح من مدرسة كلا الباب الجديدة مركز السنطة محافظة الغربية، ناظر المدرسة ومعاه ممثل من الإدارة التعليمية جامعين المدرسين والمدرسات لإلزامهم بالتصويت، ووزعوا كروت كل واحد لازم يرجعه عليه بصمته بالحبر، اللي يصوت ياخد مزايا حكومية هيا يومين أجازة، أما اللي مش هيصوت هيتم عقابه، يتحرم من الأجازة، وكارته هيتسلم للإدارة وهيروح لأجهزة الدولة. جاتلنا شهادة من أحد لجان دائرة الساحل بشبرا، عن حشد موظفين شركات مصر للتأمين والقاهرة للأدوية، شركات حكومية، في أتوبيساتهم الخاصة الساعة ١٢ الظهر، وده مش معاد خروج الموظفين، ومشغلين لهم أغاني تسلم الايادي. إدارة الازهر التعليمية بمحافظة القليوبية طلعت أمر إداري للعاملين بمنع الاجازات، والزام كل موظف ومدرس باحضار مجموعة للتصويت، وتسجيل أسمائهم والتأكد من تصويتهم بالحبر الفسفوري. طريقة حشد سيئة جداً في بعض قرى محافظة أسيوط بترديد إشاعات للسيدات الغلابة عن الغاء معاش تكافل وكرامة الحكومي، اللي بيسموه "معاش السيسي"، في حالة عدم التصويت للسيسي بشكل كبير. محافظة البحيرة السيدة نادية عبده طلعت تصريح عن ان القرى الأكثر تصويتاً في الانتخابات، هتشهد حل مشاكل المياه والصرف الصحي! كده بدون أي خجل يتقال بصراحة ان الانفاق الحكومي اللي من جيب كل مصري هيتصنف سياسيا!! كارثة ومفيش حد حس بخطورة تصريح زي ده واستنكره. لو كنا فعلاً في دولة فيها الحد الادنى من احترام مواطنيها مكانش ممكن نشوف مشاهد مهينة زي دي بتهدر إرادة وكرامة الإنسان المصري. **** صفحة الموقف المصري بتدعوكم لتوثيق كل الوقائع والحكايات المشابهة، اكتبوا شهاداتكم أو أنشروا الصور والفيديوهات في تعليقات على البوست ده. اللي خايف يكتب علماً ابعتولنا على انبوكس الصفحة واحنا هننشره. زي ما قلنا اللي رايح بمزاجه هوا حر، لكن لو كانت الصورة المطلوبة هيا انه يظهر اقبال مزيف مستخدم فيه الاجبار الحكومي والأمني، يبقى دورنا هوا اننا نقدم الصورة الحقيقية، في ظل منع أي صوت مختلف عن وسائل الإعلام. انتهاكات الانتخابات الموقف المصري دردش مع العيلة الصورة من فيديو مدرسة السنطة بالغربية والناظر بيشاور بالكروت اللي إجبارياً لازم المصوتين يبصموا عليها ويرجعوها تروح للإدارة التعليمية. المصادر بأول تعليق
**هددوني بمحاكمة عسكرية ثم أجبروني على السفر!** "أعشق مصر وعشت بها سنوات ولا أعلم متى أعود إليها ولا أحد يريد أن يخبرني لماذا؟" صاحبة الجملة ده هي بيل ترو، أحد أقدم المراسلين الأجانب في مصر، لجريدة التايمز والصنداي تايمز البريطانية. واحدة بالأهمية دي، وبالمشاعر الايجابية دي للبلد، هتهم أي حد بيفكر في سمعة مصر بالخارج أو جذب السياحة والاستثمار. لكن اللي حصل انها فجأة اتقبض عليها، اتحقق معاها لمدة ٧ ساعات، واتهددت بمحاكمة عسكرية دون اتهامات، تم تم ترحيلها جبريأً إلى لندن بدون السماح بانها تاخد أي حاجة من بيتها، زي ما بنقول بالهدوم اللي عليها. السيناريو ده بيفكرنا باللي حصل بالظبط مع الاعلامية اللبنانية ليليان داوود، لكن حالة بيل ترو مفضوحة أكتر لأنها أجنبية طبعاً، ولأنه تم القبض عليها أثناء شغلها في شبرا على موضوع الهجرة غير الشرعية، لا سياسة ولا انتخابات ولا أي حاجة. ودي النتيجة • الجارديان طرد بيل ترو يزيد المخاوف تجاه الصحفيين قبل الانتخابات، ويمثل حلقة جديدة من القمع. • نيويورك تايمز انتخاب السيسي في الجيب! فلماذا يبدو متوتراً؟ • وول ستريت جورنال الحكومة المصرية توسع نطاق قمع الصحفيين والمعارضين، بعد اعتقال واستبعاد كل المرشحين الجادين أمام السيسي. • واشنطن بوست بشكل منتظم مصر تعتقل وتحبس وتحاكم الصحفيين في عهد الرئيس عبدالفتاح السيسي *** كل الفلوس اللي اتصرفت على شركات دعاية في الخارج أكبر حد بيهدرها ع الفاضي هي السلطة نفسها بأدواتها وأجهزتها الأمنية اللي بتتعامل بطريقة إننا نعمل أي حاجة شايفينها بغض النظر عن نتيجتها. لكن واقعياً مين قال مصر مش فارق معاها؟ . تصرف زي ده يخسرنا بالورقة والقلم ملايين الدولارات .. كام سايح أو مستثمر كان بيفكر في مصر وهيتراجع، بعد مايجيله انطباع عدم الاستقرار بسبب أخبار زي دي؟ عشان كده دايماً بنقول السياسة مرتبطة بالاقتصاد، مفيش اصلاح اقتصادي مستقل في الفراغ بدون اصلاح سياسي. الهيئة العامة للاستعلامات طلعت بيان بالانجليزية بيأسف لانحياز الاعلام الأجنبي، وبيقول انها صحفية مهنية لم تتورط بأي مشاكل طيلة السنوات الماضية، لكن احنا رحلناها عشان عملت مخالفة خطيرة. ايه هيا؟ انها قدمت لينا لتجديد التصريح لعام ٢٠١٨، واحنا اللي اتأخرنا عليها، لكن هيا مقدمتش للتصريح المؤقت فكده شغل بدون تصريح! لو حد بره فعلا شاف الكلام ده هينبهر أكتر من ايه علاقة ده بالترحيل المهين أو بالمحاكمة العسكرية ودي حاجة كبيرة جداً في بلاد معندهاش أصلاً حاجة اسمها مدني يتحاكم عسكري لكنه اصلا مش هيوصل لأن خبر بيل ترو نشرته وكالات الأنباء الدولية، بينما ايه انتشار ومصداقية الهيئة العامة للاستعلامات؟ اللي طول الوقت بيتهموا المعارضة بتشويه سمعة مصر، ليه بيختفو لما السلطة والأجهزة الأمنية هيا اللي تتسبب بأكبر اساءة وتشويه؟ الحكومة اللي عاوزة سياحة ترجع، وعايزة استثمار أجنبي، مينفعش يبقى ده نوع الأخبار المتداول عنها، مينفعش يبقى ده منظر انتخاباتها اللي العالم بيتندر بيها، وتكون في قاع مؤشر حرية الصحافة، ويتقتل فيها ريجيني بالتعذيب، ويطرد منها الصحفيين الأجانب بالقوة .. دي متمشيش مع دي والله! **** المصادر بأول تعليق الموقف المصري دردش مع العيلة
** أسئلة لم تطرحها ساندرا فين الذمة المالية للرئيس؟** "...ويتعين على رئيس الجمهورية تقديم إقرار ذمة مالية عند توليه المنصب، وعند تركه، وفي نهاية كل عام، وينشر الإقرار في الجريدة الرسمية" المادة ١٤٥ من الدستور المصري *** طول الحوار الدعائي اللي أجرته المخرجة ساندرا نشأت مع الرئيس كان بيؤكد على دولة القانون والمؤسسات، وانها طريق بناء الدولة ومكافحة الفساد .. كلام جميل، لكن فيه أسئلة كتير جداً متسألتش رداً على الشعارات المحترمة دي. ممكن نشوف مثال واحد بس؟ الدستور بينص بوضوح تام إنه كان مفروض يتنشر في الجريدة الرسمية اقرارات الذمة المالية للرئيس قبل ترشحه، وكل سنة له بالمنصب، وقبل تكرار ترشحه دلوقتي. في ٢٩ يناير الماضي الدكتور محمد أبوشقة المتحدث الرسمي باسم حملة الرئيس السيسي اتسأل عن الموضوع ده فجاوب انها منشورة بالفعل في الجريدة الرسمية وهتلاقوها على الموقع الالكتروني! الصحفية رنا ممدوح Rana Mamdouh من موقع مدى مصر عملت رحلة بحث، أولاً الموقع مفيش عليه أي حاجة منشورة، ثم راحت المطابع الأميرية اللي بتطبع الجريدة وسألت، فقالولها عمرنا أصلاً ما نشرنا أي ذمة مالية لأي موظف حكومي! مين اللي قالك اننا بننشر إقرار السيسي؟ لما الصحفية ورت للموظف خبر ان المتحدث الرسمي قال ان الذمة المالية للرئيس اتنشرت عندكو راح كلف موظف تاني يدور على الكمبيوتر، وبرضو مالقاش أي حاجة، وطلب منها تتأكد من مدير المطابع. المدير قال احنا بننشر اللي يجيلنا، ودي عملية مستمرة لأنه حسب الدستور القرارات الجمهورية والحكومية لا تكون سارية إلا بنشرها بالجريدة الرسمية أو الوقائع المصرية، لكن محدش بعت اقرارات. الصحفية كلمت المتحدث باسم حملة السيسي لكنه ماردش، وكلمت المستشار علاء فؤاد، المدير التنفيذي للهيئة الوطنية للانتخابات، فقالها ان المستند سري ويحظر على الهيئة الافصاح عنه!! رغم ان الدستور صريح تماماً في انه يتنشر. **** هل الرئيس بس اللي مطلوب منه يتنشر إقراره؟ الدستور في المادتين ١٠٩ و ١٦٦ أكد على تقديم الاقرارات من ذوي المناصب الحكومية، وخص رئيس الجمهورية ورئيس الوزراء والوزراء بالنشر في الجريدة الرسمية .. طبعاً زي ما قلنا مفيش أي حد اتنشرله أي حاجة، وده منطقي لأنه مادام الرئيس بدأ بالمخالفة الكل هيخالف عادي! برضه قانون الكسب غير المشروع يلزم "القائمين بأعباء السلطة العامة" بما فيهم الرئيس والوزراء والنواب إلى موظفي الدرجة التانية، بتقديم إقرار الذمة المالية للجهاز، لهم وأيضاً لكل ممتلكات زوجاتهم وأبنائهم القصر، خلال شهرين من تسلمهم المنصب، وخلال شهرين من تاريخ تركهم المنصب. كمان القانون بيلزم كل موظف عام بتقديم اقرار الذمة المالية لهيئة الكسب غير المشروع، ويوجب على إدارات شؤون العاملين حصر أعداد اللي قدموا الاقرارات والممتنعين عنها في يناير من كل عام. **** هل ده بيحصل في دول تانية؟ طبعاً، دول كتير في العالم يقدر أي حد يدخل على الانترنت ويعرف بكل سهولة كل ممتلكات المسؤولين ورواتبهم الحالية، وبتتم نقاشات علنية عن تغيير المرتبات دي. مثلا الرئيس أوباما، رئيس أقوى دولة في العالم، مش بس قدم اقرارات ممتلكاته قبل وبعد مغادرة المنصب، ده احنا نعرف تفاصيل دقيقة زي إن دخله في عام رئاسته الأخير كان بالظبط ٥٠٣ ألف و ١٨٣ دولار، منهم ٤٠٠ ألف هما راتبه السنوي، والدخل الاضافي للراجل كان عبارة عن حقوق نشر كتب، وفايدة رهن عقاري بتاع بيته في شيكاغو. جو بايدن، نائب أوباما في الوقت ده، كان الاقرار بتاعه عبارة عن ٢٣٠ الف دولار راتبه السنوي + ٨٥ ألف دولار عبارة عن حقوق نشر كتبه، وقيمة إيجارات عقارية . وفي ٢٠١٦ حكى بايدن انه كان قرر يبيع بيته عشان يقدر يصرف على علاج ابنه المصاب بسرطان، لكن أوباما قاله متبيعش بيتك وعرض مساعدة مالية من جيبه الشخصي. تاني بنتكلم عن رئيس ونائب رئيس أكبر اقتصاد بالعالم. ترامب كمان قدم الاقرار وكتب فيه ممتلكات بأكتر من ١٠ مليار دولار، لكن وقتها حملة هيلاري طالبته بتقديم الإقرار الضريبي عشان بيكون فيه تفاصيل أكتر رغم ان مفيش الزام قانوني بيه لكن دي حاجة عرفية كل الرؤساء بيعملوها. في ألمانيا، الرئيس الألماني كريستيان فولف استقال سنة ٢٠١٢ بسبب فضيحة مالية لأنه خبى بعض التفاصيل في اقرار الذمة المالية اللي نشره. ايه بقا اللي خباه؟ إنه ماكنش قايل انه سنة ٢٠٠٨ لما كان لسه حاكم ولاية استلف ٥٠٠ ألف يورو من زوجة رجل أعمال عشان يشتري بيت! المتحدث باسم الرئيس طلع وقال ان الرئيس فعلا استلف الفلوس وسددها سنة ٢٠١٠ قبل ما يبقي رئيس اصلا. خلص الموضوع على كدا؟ لا الناس كانت شايفه انه رغم انه قرض، واتسدد، لكن هوا أخده بشروط ميسرة وده يعتبر استغلال لمنصبه وعلاقاته، واتهموه بانه حاول يخوف الصحيفة اللي نشرت القصة، وفي النهاية اضطر للاستقالة! **** ايه أهمية الإقرار؟ في مصر وفي العالم كله دي وسيلة واضحة ومبدئية لمكافحة الفساد، لما يظهر على الموظف أعراض ثراء مفاجيء، أو فلوس ميقدرش يثبت مصدرها، أو فلوس خباها ومقالهاش في إقراره، دي خطوة فورية للكشف عن استغلاله للسلطة. مفيش شعب بيتولد عنده ضمير أو أخلاق أكتر أو أقل من غيره، الفساد مش مسألة تتساب للثقة الفردية، لكن هيا مجال تنظيمات وبيئة متكاملة. لما يتم تجاهل تطبيق القانون على الرئيس وعلى الوزراء، فمن باب أولى بيتم التراخي فيه للكل، وده من أسباب أن رئيس هيئة الكسب غير المشروع في سبتمبر الماضي قال اننا تلقينا نصف مليون إقرار فقط من إجمالي عدد كل موظفي الدولة ودي نسبة محدودة جداً رغم نص القانون، ده بيخلق بيئة عامة متساهلة مع الفساد. لما يكون الرئيس المخلوع مبارك، تم ادانته بالسرقة وتزوير مستندات في قضية "القصور الرئاسية" اللي اتحكم فيها نهائياً عليه هوا واولاده، وأدين في قضية تاني بقبول رشوة حسين سالم، ولما كل فترة يتكشف مسؤول كبير محافظ أو وزير، يبقى القضية دي فعلا أولوية وتبدأ من رئيس الجمهورية اللي بسلوكه مفروض يتم تعميم السياسة دي على الكل، مش هوا نفسه يكون أول واحد يضرب لكل اللي تحته مثل مخالفة القانون والدستور! هنفضل نتكلم ونتحرك لحد ما نشوف بلدنا فيها أولوية ثقافة المراقبة والمحاسبة لأي شخص يتولى منصب عام. كفاية فساد اتفضل البديل دردش مع العيلة الموقف المصري **** لو عجبكو اللي بتقروه في صفحتنا احكو عنه لأهلكم وأصدقائكم وتعالو شاركونا بردود أفعالهم. لو عندكم أي تجارب أو خبرات أو معلومات عن موضوع البوست اكتبولنا في الكومنتات أو ابعتولنا في الصفحة أو على إيميل الصفحة almawkef.almasry ، وهننشر ما يفيد أعضاء الصفحة.
**تقييم برنامج "الدعم النقدي" .. الفلوس لوحدها مش كفاية** كل ما حد يتكلم عن الاجراءات الاقتصادية الأخيرة المرتبطة بقرض صندوق النقد بيتقال انه الحكومة هتوفر جنبها "شبكات أمان اجتماعي"، وفي الإطار ده وزارة التضامن بتفخر ببرنامج "تكافل وكرامة" للدعم النقدي. وبمناسبة اليوم العالمي للعدالة الاجتماعية في ٢٠ فبراير الماضي أصدرت المبادرة المصرية للحقوق الشخصية دراسة بعنوان "النقود وحدها لاتكفي"، من اعداد الباحثين محمد جاد وحسناء محمد، بتتكلم عن تقييم سياسة "التحويلات النقدية" على المدى القصير أو الطويل. ***** يعني ايه دعم نقدي ؟ ايه فايدته؟ وموجود في مصر من امتى؟ كتير من المواطنين بيعجزوا عن توفير احتياجاتهم الأساسية، وبالتالي أي دولة بيكون عليها مسؤولية سواء بتقديم مساعدات "عينية" بتوفير المستلزمات بأسعار أرخص، أو مساعدات "مالية". السياسات دي عالميأً مفيدة لكل المواطنين، لأنه خفض الفقر والبطالة يؤدي لخفض الجريمة ورفع الأمان للكل، وكمان رفع الانتاجية وتحسين الاقتصاد للكل. سياسة الدعم المالي موجودة في مصر من قبل ثورة يوليو، حكومة الوفد في عهد الملك فاروق أصدرت قانون سنة ١٩٥٠ بتقديم معاشات اجتماعية للفئات غير القادرة، وتم تمويله من الموازنة العامة بكلفة ٠.٥% من الدخل القومي. في عهد عبدالناصر استمر الدعم النقدي ده ومعاه حصلت توسعة كبيرة للدعم على رأسها دعم الغذاء. في عهد السادات تم تعديل نظام الدعم المالي (المعاشات الاجتماعية) مرتين، واحدة سنة ١٩٧٥ بإدخال الارامل والمطلقات للفئات المستحقة، وبعد انتفاضة ١٩٧٧ حاول السادات امتصاص غضب المواطنين فوحد قيمة المعاشات بين القاهرة والمحافظات ورفع قيمة المعاش. في عهد مبارك استمر صرف المعاشات الاجتماعية بنسب إنفاق إجمالية لا تتعدى ٠.١ % من إجمالي النفقات العامة. في ٢٠١٤ د.زياد بهاء الدين وزير التعاون الدولي بالوقت ده أسس برنامج "تكافل وكرامة" كبرنامج دعم نقدي مباشر، يستهدف تقديم معاش للأسر الفقيرة اللي عندها أطفال في المدارس بشرط عدم خروجهم منها "تكافل"، و كبار السن ومتحدي الإعاقة والأرامل والمطلقات "كرامة". في البداية البرنامج اتمول بقرض من البنك الدولي قيمته ٤٠٠ مليون دولار، وبعدها تم استكمال الانفاق الحكومي وتوسعة قواعد المستفيدين، لحد ما وصلنا النهاردة إلى ٢.٢ مليون أسرة تمثل حوالي ٩.٣ مليون مصري. مهم نقول أن معاش الضمان الاجتماعي الموجود من أكثر من ٥٠ سنة وصل عدد الأسر المستفيدة منه إلى ١.٧ مليون أسرة، بينما تكافل وكرامة وصل لعدد أكبر خلال أقل من ٣ سنين، وده ايجابي فعلاً في حد ذاته. ***** هل أرقام الفقر كانت بتتأثر بالدعم؟ الاحصاءات المتعلقة بالفقر تاريخياً في مصر فيها ارتباك، لكن الأرقام المتوفرة بتقول إنه أكثر فترة تم فيها إفقار المصريين كانت الثمانينات اللي حصل فيها تضخم كبير تزامن مع انخفاض أسعار البترول واللي أدى لتراجع العمالة الخليجية. في التسعينيات حصل تراجع واضح للفقر في مدن القاهرة والاسكندرية وبورسعيد والسويس، لكن أرقام الفقر زادت جداً في الصعيد والريف، لدرجة ان احصائية حكومية سنة ٢٠٠٦ قالت انه ٧٨% من الفقراء بيعيشوا في الريف، وإن ٩٥% من القرى الفقيرة في الصعيد، وان أفقر ١٠٠٠ قرية منهم ٧٦٢ قرية في ٣ محافظات تحديداً هي المنيا وأسيوط وسوهاج. وده معناه انه سياسة الدعم طول السنين دي متوجهتش للفئات الأكثر فقراً. ***** هل البرنامج الحالي هيساعد في خفض نسب الفقر؟ تصريحات المسؤولين الحكوميين مختلفة في الرؤية، هل الهدف توسيع دائرة المستفيدين من الدعم المالي، ولا الهدف إنهاء دعم السلع وتحويله لدعم نقدي. السبب في الاختلاف ده انه استراتيجية الدعم بشكل شامل غير واضحة، بمعنى هل هو جزء من خطة عامة لانتشال ملايين الأسر من الفقر والبطالة؟ ده مجرد مسكن لتخفيف آثار القرارات الأخيرة؟ سنة ٢٠١٦ انحفضت قيمة الجنيه أكثر من النص بسبب قرار التعويم، وده سبب ارتفاع كل الأسعار، ولذلك الدراسة تتوقع ارتفاع نسبة الفقر من٢٧.٨% حالياً إلى ٣٥% من السكان. اللواء أبوبكر الجندي، رئيس الجهاز المركزي للتعبئة والاحصاء، قال انه بسبب القرارات الاقتصادية هيتغير خط الفقر من ٤٨٢ جنيه إلى قرب ١٠٠٠ جنيه للفرد. (يعني الأسرة من ٤ أفراد اللي دخلها أقل من ٤٠٠٠ آلاف جنيه هتبقى تحت خط الفقر) في المقابل معاش تكافل قيمته ٣٢٥ جنيه في الشهر + ٦٠ جنيه لطفل المرحلة الابتدائية، ٨٠ للاعدادية، ١٠٠ للثانوية. بعد التعويم زادت قيمته ١٠٠ جنيه شهرياً + ٢٠ للطفل .. واضح جداً الفارق الضخم بين نسبة زيادة الأسعار ونسبة زيادة الدعم. رغم محاولة استهداف الصعيد في برنامج تكافل وكرامة بتركيز أكبر، وهو تطور ايجابي فعلاً، لكن الواضح انه ده مش جزء من سياسة حكومية لتنمية مجتمعات الصعيد. عندنا دلالة مهمة جداً هنا هي إن "صندوق تنمية الصعيد" انخفضت ميزانيته الحكومية من ٦٠٠ مليون جنيه في موازنة (٢٠١٣ – ٢٠١٤) إلى ٢٠٠ مليون جنيه فقط بموازنة (٢٠١٤ – ٢٠١٥)، انخفاض اكتر من ٦٦ %، وده بالظبط وقت بداية برنامج تكافل وكرامة، كإننا هنخلي الناس تاكل بالفلوس بدل ما نشغلهم بيها! واستمر الرقم المحدود د ٢٠٠ مليون ثابت بالموازنات التالية لحد الموازنة الأخيرة (٢٠١٧ – ٢٠١٨)!! الأرقام الحكومية بتورينا مشهد غريب وهو أن المواطنين الأقل تعليماً أرقام الفقر بينهم أعلى من المتعلمين فعلا، لكن البطالة بينهم أٌقل بكتير برضه. مثلاً البطالة بين الأميين ١.٦% فقط، بينما بين خريجي الجامعات ٢١.٢%، في المقابل نسبة الفقر لما يكون رب الأسرة أمي تصل ٣٦.٨%، مقابل ٧.٩% للجامعي. حالياً الدعم المادي في برنامج "تكافل" بيقدم دعم للأسر اللي عندهم أولاد في سن التعليم الأساسي، لكن الحكومة برضه معندهاش سياسات توظيف شاملة سواء حكومي أو خاص، ولا بيئة العمل بتساعد أبناء الأسر الفقيرة لو حصلوا على شهادات جامعية إنهم بشكل منتظم "يصعدوا اجتماعياً" للطبقة المتوسطة، وبالتالي مفيش بيئة بتحفز على تطوير مستوى التعليم بما انه النتيجة واحدة. يعني حتى لو الاولاد فضلوا في التعليم الأساسي بفضل "تكافل" ممكن ميكملوش للجامعات، ولو كملوا برضه ممكن مستوى الأسرة لا يتغير. ***** هل الدعم النقدي ده عندنا بس ولا في أماكن تانية بالعالم؟ أغلب دول العالم عندها برامج مختلفة لدعم الخدمات زي الصحة والتعليم، أو الدعم النقدي زي اعانات البطالة وغيرها، والمهم إن الدعم ده مرتبط بمجموعة تانية من السياسات والاجراءات لعمل تغيير حقيقي. مثلاً بلد زي الأوروجواي في عهد الرئيس فاسكوز عملت برنامج مهم لتقديم الدعم النقدي للأسر شديدة الفقر اسمه "الطوارئ الاجتماعية"، وده مكانش بس مجرد دعم بالفلوس إنما كان برنامج فيه تشغيل وتوظيف مؤقت للمواطنين، وتأهيل وتدريب ليهم عشان يقدروا يرجعوا تاني لسوق العمل الدائم، إلى جانب كروت للحصول على الأغذية الأساسية، وتم تطوير البرنامج ده سنة ٢٠٠٧ عشان يبقى اسمه "خطة المساواة الاجتماعية". نجح البرنامج ده في تخفيض الفقر من ٣٢% من السكان سنة ٢٠٠٤ إلى ١٨% سنة ٢٠١٠، يعني نجح في خفض معدلات الفقر في ٦ سنوات فقط، وده كمان لأنه ارتبط بسياسة اقتصادية ناجحة قدرت ترفع من الأجور الحقيقية بنسبة ١٨%، وخفضت الضرائب غير المباشرة على السلع الغذائية. تجربة ثانية ملهمة جداً هي تجربة البرازيل في عهد الرئيس لولا دا سيلفا عن طريق تطوير برنامج "بولسا فاميليا"، وده كان برنامج دعم نقدي مشروط للأسر شديدة الفقر بمعدل ٨٧ دولار شهرياً، بشرط التزام الأسر بإرسال أطفالها للتعليم والالتزام بالحصول على التطعيمات بشكل منتظم، ووصل عدد المستفيدين من البرنامج إلى ١١ مليون أسرة بما يعني ٦٤ مليون شخص بمعدل ٣٣% من الشعب البرازيلي. البرنامج ده قدر يحرك أكثر من ٢٣ مليون شخص من الطبقات الأفقر إلى الطبقة المتوسطة. ***** الخلاصة انه سياسة الدعم في مصر رغم ان وجودها إيجابي في حد ذاته لكنها مليانة مشاكل، سواء في مدى وصولها للمستحقين بسبب مركزية وبيروقراطية عملية الدعم، أو في مدى تأثيرها العام. والأهم انه السياسات والاجراءات الاقتصادية اللي بتنفذها الدولة هي ضد فكرة الدعم، لانها لما تؤدي لرفع كلفة كل السلع والخدمات بدون رفع موازي للأجور أو الدعم بتكون النتيجة الاجمالية عدم تغير حال الفقر. وزي ما قلنا كمان الدعم النقدي المشروط بتعليم الأطفال هو أمر ممتاز وإيجابي جداً، وكان جزء من تجارب دولية ناجحة، لكن ده مش هيكون كافي لوحده لرفع مستوى الأسر من طبقة الفقراء للطبقة الوسطى ومنع تحول الخريجين لعاطلين جدد. والسلطة اللي عاوزة تغير حال الفقراء بشكل مستدام أول خطوة ليها هيا الالتزام بالنسب اللي حددها الدستور للإنفاق على التعليم والصحة وفي الاطار ده يتم تطوير الاقتصاد، ونوعية سوق العمل، وتحسين سياسات التعليم وإعادة هيكلتها بجد لتقديم خريجين مؤهلين لسوق عمل جاهز لاستقبالهم. لكن غياب إرادة الالتزام بالدستور بيحول الدعم النقدي لمجرد أداة إسكات للفقراء عشان يجدوا الحد الأدنى من الطعام وميحتجوش على أوضاعهم المعيشية. للأسف زي باقي القضايا التانية مفيش حوار تم فتحه في موضوع مهم زي ده مع الأحزاب أو النقابات أو الاتحادات والجمعيات أو المجالس المحلية، فضلاً عن اننا اصلاً معندناش مجالس محلية منتخبة، والبرلمان كلنا عارفين ازاي الدولة تدخلت بانتخاباته.. خطوة رئيسية لأي تعديل اقتصادي هوا المشهد السياسي العام ده اللي فيه السياسيين بيعرفوا فضل وجودهم يرجع للناس ولا للأجهزة الأمنية. التوصية اللي طرحتها المبادرة المصرية للحقوق الشخصية هي تبني سياسة متكاملة للحماية الاجتماعية تقدر تحافظ على القيمة الحقيقية لامتيازات الطبقة الوسطى كي لا تهبط فئات منها للفقر، وبنفس الوقت تتوسع في الدعم للفئات الأفقر، بحيث يكون الدعم النقدي جزء صغير ضمن السياسة الأوسع لانتشالهم من الفقر. الموقف المصري دردش مع العيلة المصادر بأول تعليق. لو عجبكو اللي بتقروه في صفحتنا احكو عنه لأهلكم وأصدقائكم وشاركونا بردود أفعالهم. لو عندكم أي تجارب أو خبرات أو معلومات عن موضوع البوست اكتبولنا في الكومنتات أو ابعتولنا في الصفحة أو على إيميل الصفحة almawkef.almasry ، وهننشر ما يفيد أعضاء الصفحة.